“We Are Ready” tiah bawmchan dingin kan i manh tiah signboard an tar i mipi bawmh a herhmi hna caah aa pumpemi hehchet tiah meithal in a rak duummi pawl kha, atu hnu ceo ah SAC ralkap Uknak ri MAH nih covid-19 thlopbulnak leiah zeihmanh tuahto khawhmi a ngeih ti lo caah sibawi, volunteer pawl siseh, cun dawtnak in mibawmchantu phu pawl hna cu nan dihlak i fonh ulaw hong ka zuanhnawh u tiah a au, vava a tum ko cang.
Rampi uknak hramhram in an lak dih hnuah sibawi pawl, mipi bawmchanh riantuantu pawl, volunteer minung tampi cu hehchet tiah meithal in a duum hna i a thio hna, a rak kahthah hna cu lawng si loin, mi cheukhat cu thong tiang ah a rak thlak hna.
Atu avoi thumnak covid rai zawtnak Myanmar rampi ah hmuh asi ti zongah a hna aa cheh i, sianginn, zung, bank le mibu um zong khamnak zeihmanh tuah a duhlo a lungkhongtur in a um, atu ah cun zeitihmanh in amah lawng a cawlcangh khawh ti lo kha a hngalh tikah hong kan zuanhnawh u kan bawm u tiah a aukhuangmi an si ko cang.
Myanmar ram chungah ngandamnak riantuantu sibawi/nurse nusaltha le pasaltha hna nih hin uknak hramhram in ralkap nih an lak ni thawk in khan uknak duhlo in biatak tein CDM cawlcanghnak ah raltha in an rak cawlcang. Atu ah SAC ralkap nih bawmhhalnak a tuah tik hna ahhin dawtnak zawtruahnak a ngeimi sibawi le adangdang ngandamnak riantuantu pawl hi contract phun in a auhmi hna an si tiah theih a si. Crd. H information
