Hi minung 23 hna hi Min Aung Hliang nih phaisa fimtawl piaktu ah a hmanmi hna cu an si. Hi hna hi fakpi in Sanctions tuah piak ding in, an nawr cuahmah cang hna.
Vanchiat ah, kan Lai angki aa hrukmi Dr. Ngun Cung Lian aa tel ve ai. Vawlei cung US citizen vialte lakah Min Aung Hliang dirkamhtu um chum si ve lai dah!
IS bantuk i a sual mi kawl ralkap bawi pawl an hnu lei dirkamh tu ding te hna hi kan Lai pa hna vun i tel ve cu chunnitlak puanpu tang ttap phu khi a si.
Lai miphun mitthli he kan i ciah cuahmah lio bak ah zei pawi lo taktak in Min Aung Hlaing misual pa ruahnak cheutu hna hna i vun um khawh ko cu an paw chung ah khuachia nih hlah maw a luhhnawh ti awk tlak khi a si.
Min Aung Hlaing Uico Rual Pawl Ruang Ah Pu Kawlrum Fanu Zuali A Nunnak A Liam
Tuni march 21 Sunday ah Yangon Minkalatawngngio khua, Kantawlay sang 91 lam ah Chin (Mizo) nu Zuali an tihmi Pu Kawlruma fanu cu tu zing suimilam 11:30am hrawngah palek le ralkap nih a umnak inn dot nga nak cu an kingh i a lau tuk caah hnulei a thawn nak ah a tlai i a nunnak a liam.
Tuni ah Min Aung Hlaing Uico rual pawl ruang ah nunnak a liam mi nu hi Kalaymyo Tahan chuak kum (35) hrawng a si mi Zualli a si. Yangon Kandaw sang ah a um mi Chin mi pakhat nih a thi mi Zuali “a nu le a pa cu Tahan ah a um mi an sii, hi ka ah a mah lawng in a um a si tiah a chim.
Kawlram Ram chung thawngzamh nih a tial ning ahcun We Love Yangon zung cu ralkap le palek nih meithal in an kah hna i an luh hnawh hna tiah a tial. Mah nak ahcun Zuali zong cu ralkap le palik nih a inn hlan nak inn dot nga innka cu an va kingh tik ahcun kai thup a ti nak ah a tla i a nunnak a liam nak a si.
Zuali thih ning cu Yangon Minkalatawngngio 91 lam ah a um mi We Love Yangon cu tu zing suimilam 11 le cheu hrawngah ralkap le palek tam ngai nih an luh hnawh i We Love Yangon innka cu an baoh i mipi nih hlut mi thilri vialte an i lak dih, We Love Yangon zungkhan cung i a um mi inn dot nga nak cungah a tla tiah mit hmu tu nih a chim.
