Singer Chan Chan cu a vawihnihnak fanute a pawi lio pi a si. Hi a fapawi nak pa cu ramdang mi a si i, amah pe he hin tthitumhnak puai hmanh an tuah rih lo tiah theih a si. December 13 tuni ah hlasak thiam Chan Chan nih ka pawi mi ka fanute ka hrin hnu thla thum nak ah ka daling pa he ttitumhnak puai kan tuah lai tiah a chim.
Kawlram hlasak thiam Chan Chan nih a vawihnihnak fanute a pawi mi cu dam te i a um ahcun a ralai mi 2021 kum April chung ah a nei lai tiah theih a si. Chan Chan nih apawi cuahmah mi a fanute cu Italy ram ah ka hrin lai tiah mipi theih ah a chimphuan. A pawi mi a fanute cu tuah hin thla nga nak a si i, Ultrasound an tuah i fanute a si.
Tu ka pawi fanute cu Covid-19 zawtnak um lio rian biatak ka ttuan khawh lo caan karlak teah ka pawi mi asi tiah a chim. Chan Chan cu tuah hin kum 35 upa in caan a hmang cuahmah lo pi a si. Ka vapa he naihniam te i kan um khawhnak ding ah Italy ram ah neih kai timhnak a si.
Ka vapa he tthitumhnak kan tuah rih lo nain hamnak cu ttha tein kan tuah cang tiah a chim. Tthitumnak puai kan tuah rih lo nain kap hnih chungkhar nulepa he hnatlak nak kan tuah dih cang. Ka nule pa zong an tar ngai ngai cang tiah a chim chap fawn.
Ka nulepa an kum a upat tuk cang caah tthitumhnak puai kan tuah rih lo nain kan fanute mui hna an hmu manh sual lai lo tiah advance deuh in kan rak pawi chung mi a si tiah a chim. Hi ka pawi mi ka fanute ka hrin in thla thum nak ah tthitumnak puai kan tuah te lai tiah a chim.
