Pastor Sangpi nih aphuah mi “Christmas From Home” tihmi Album cu releas nak tlawmtling tein tuah asi cang i, ram chung ram leng mipi nih cu Album cu tampi an cawk piak cang. Ramdang um mi caah Itunes Store Amazon Music, Google Play le Joox Myanmar ah an zuar cuahmah lio pi a si.
Cun A mah Pastor Sangpi zong nih online mipi nih zalawng te i an zoh khawhnak ding ah tiah Youtube tiang in uplaod a tuah chih fawn. December 21 zan ah Pastor Sangpi nih Benjamin Sum he an saknak cu Youtube ah a rak chiah.
Hlaphuah thiam Sangpi hi hlaphuah lawng hmanh silo in hlasak le music tum tiang a thiam ngai mi pa asi. Kawlram Quitar tum thiam bik Chit San Maung sin ah a tthang lian mi asi caah music lei a thiam ngai zong a si.
Kum dang bantuk in Christmas cu sunglawi lo hmanh sehlaw chungkhar nih Pathian tthangtthatnak ngei cio hna u sih. Emmanuel Pathian cu kan sinah a um zungzal. Kan chungkhar cio ah Bawipa thlawchuahnak tlung hram ko seh. Sangpi le Benjamin Sum nih an sak mi “Home Chrstmas” tih video cu a tang ah ka thil chih rak zoh ve.
