Nizaan October 27 kum 2021 ah Sagaing ramtthen, Kawlin ah SAC ralhrang 40 hrawng an thih hnu ah PDF pawl doh ding in nihin ah SAC ralhrang nih Helicopter 6 in ralkap tampi an thlah hna tiah thawngpaang kan theih.
SAC ralhrang nih atutan Sagaing rantthen chung raldohnak hi hlanlio Kawl siangpahrang min pek in “Alawng Min Daya Operation” tiah min an pek. Nihin zinglei ah Helicopter 6 in Kyun-hlah le Tansay lei ah SAC ralhrang pawl an thlah hna, tiah theih a si.
Sagaing ramthen chung um PDF pawl do ding in SAC ralhrang hna nih ralhrang pawl cu Helicopter 6 le Jet Fighter vanlawng hna in Tanhse le Kyun Hlahlei ah an zuang i leikuang thlam hna an kah len hnuah ralhrang tam ngai an thlak hna tiah theih a si.
Ralhrang nih umkalnak ah tang lam (mawtaw lam) an hman ahcun lampi ah kah le bomb puah hnawh an ton lengmang caah atu bantukin cunglei in an phurh hna hi a si tiah tualchung PDF cheukhat nih an chim.
