Minung tampi nih kan buaipi tuk tawn mi cu ringworm takthak zawtnak khi a si. Ringworm ah khin phun hnih a um i a hnai chuak peng mi pawl khi a dam a fawi deuh i, a caar bak in a caar mi pawl khi a dam har taktak mi a si.
Ringworm cu khualum nak hmun ah khin a hleice in a tam khun. Cun kan tak ti hna kan vun i kholh i ro huaha lo pi in angki/ bawngbi hna kan i hruk ah khin neih a fawi taktak. Vawi khat na neih rawh hnu ahcun a tlawm bik kum 1 tal cu na nei hrim lai, cu tluk in dam a har mi thak zawtnak phun khat a si.
Ringworm thak zawtnak cu tuchunni tiang in a nei mi tampi kan um caah cozah ser mi sii ai hman hau bak lo in fawi taktak in a damter khotu sii ka vun in hromh hna la. Na ringworm kha thichuak lak in ziah piak law mah hnu ahcun Cinei( Tthung) kuhva i an cawh mi khi le toothpast (coldgate) kha cawh law mah cucu a hmat nak ah khan thuh piak.
Zarh khat zingzan na thuh piak ahcun kum tampi lungrethei i narak umpi mi na ringworm cu a dam dih ko lai. Mah sii na thuh hnu ahcun zeitik hmanh ah a rak chuak tthan ti lai lo. Nangmah nih na neih lo zongah na hawi le hna a nei mi hna an um sual ahcun rak chim ve hna.
