May 23 2018 zing lam khan Herrin hian a car Ford Mustang in Bayshore Boulevard Tampa gym a kal tur in a in khalh chhuak a, he tih lai hian a thianpa John Barrineau chuan gold Nissan a rawn khalh chhuak ve bawk a…a remchang em a an ti nge ni kawngpuia chak taka an in tlansiak lai chuan Jessica Reisinger-Raubenolt kum 24 a upa leh a fanu Lillia kum khat mi te stroller a rawn in nawr, kawngpui kan tur chu Herrin car zawk hian a rawn su ta a ni….
A thianpa John erawh kawngsir lamah in sa seng hman hram in, hliam na lutuk a tuar lo va, Jessica te nufa khawngaihthlak tak te hi damdawi in panpui an nih lai in an boral ta a ni. He vanduaina thil thleng avang hian Herrin-a hi kum 5 chhung jail tang tur in court in ro a rel a, kum thum a tan hnu in court in a chung thute ngaihtuah tha leh in Herrin bik hi kum 24 chhung jail tang tur in a ti a, a thianpa erawh kum 6 chhung jail a tang dawn thung a ni…
Court thuthlukna thar ber hian Herrin-a te chhungkua chu a barakhaih hle a, A nu phei chuan he car hi a fapa duhsak taka a pek a nih avangin court in a fapa hremna tur engkimah mawhphurna lak a in huam thu a thlen a, he accident avang hian a fapa pawn hreawm a tih zia te, anxiety attack leh panic attack a neih phah thu te a sawi tel bawk a ni…
He accident avanga boralta Jessica chhungte erawh chuan kum 30 tal jail tang tur in an lo nawr ve bawk a, he rawlthar vanduai tak hian hming chherna leh milar nihna chu nei chiah lo mahse a vanglai jail chhunga a hmang mai tur hi news site hrang hrangah lainattu a ngah hle a ni. Thil reng reng hian hun leh hmun a nei a, kan tum reng vang ni hauh lovin mi kan ti na thei a, nunna hial pawh kan la palh thei a ni… Lirthei khalh chungchangah phei chuan fimkhur hi ngai tak zet a ni. Crd: Maruati khawlhring
