Tuni may 18.5.2021 ah Mindat khuapi chungah khuami pakhat cu ralhrang ttih in azam nak “Epilepsy- Tluk zawtnak” a rak ngeih ruang ah ruahlo pi khin a zawtnak a rak chuak ruangah khampang ah a tla sual i a nunnak aliam tiah theih asi.
Khampang ah a tla mi Mindat mino ruak cu tu tiang an la kho rih lo tiah Mindat khua mi minung pakhat a chim. Tu i a thi mino cu a min hmanh an thei kho rih lo hlathlai nak an tuah cuahmah lio pi a si.
Mindat khuapi cu kan theih bangin ralhrang le CDF-Mindat hna kahdohnak ruangah tuah cun chungkhar tampi cu ramtang ah an zam cang hna. A si nain cheukhat a zam manh lo mi hna cu ralhrang leng zong chuak kho ti lo in an tuah hna.
Ralhrang ruangah tuchunni tiang ah Mindat khua mi minung pahra an nunnak a liam ve cang, ngaihchia taktak a si. Mindat khua mi an temtuar a fah tuk ruangah CNF tiang nih an dirkamh nak cathanh an chuak phah.
