Nai hrawng ralhrang pawl an cawlcangh ning cu huat an tlai kho taktak. Hriamnam hmang in mipi an kah thah hlei ah thilri hrawh piak le nu tlaihhrem lei in an cawlcang. Tuni July 15 ah ralhrang rual nih nutung pakhat an tlaihhrem hnu ah an thahbeh tiah theih asi.
Ralhrang nih an tlaihhrem i an thahbeh mi nutung cu Numlang khuate, Moe Muak Township ah khua mi a si. A min bel langhter an siang lo caah a khua lawng kan vun langhter nak a si.
Nomant Army Khamrar 616 troops hna umnak pawngkam teah mah nutung cu an lo lei panh in a kal cuahmah lio ralhrang nih an rak tlaihhrem hi a si. Zan khuadei a rak ttin ti lo caah a chung le nih an va hlathlai tik ahcun a ruak in an va hmuh hi a si.
Nutung tlaihhrem i a thahtu hna ralhrang cu minung pathum an si. Hmanh sehlaw mizei hmanh nih ralhrang nih an tlaihhrem i an thahmi asi tiah an chim ngam lo. Hmanh sehlaw mit i ahmutu hna nih an chim ning ahcun ralhrang bak nih an tlaihhrem nak ah a thi mi asi ko tiah an chim.
