Tuni may 17 ah ralhrang thazaang 100 renglo nih Kani-myo an luhhnawh hna i mipi tlaih awk heh tiah an kawl hna caah khuami an thinphang tuk i an zapi tein ramtang lei ah an zam dih tiah Kani khuami pakhat sin kan theih.
Ralhrang thazaang 100 renglo nih an luhhnawh mi hna khua cu Sagaing ramtthen Kanimyone, Zakyi Oh-suh Talin khua a si. Khuami pakhat nih a chim ning ahcun ralhrang pawl cu motor 6 bak in an rak ra tiah a chim.
Tlaih dih ankan timh caah kan ttih tuk i kan khuapi in ramtang lei ah kan zam dih tiah Than Lwin khuami pakhat nih a chimmi kong cu Than Lwin Khet News nih tu bantuk in an vun langhter hi a si.
Tu ah hin ralhrawng pawl cu an dihlak in khua in an kir cang ko nain khuami minung pathum an tlaih manh hna i an ni kalpi tiah a chim chap fawn. Khuachung dawr le thilri pawl zong tampi an lak i an ni kalpi tiah a chim rih.
Tuni ralhrang pawl an cawlcangh ning cu fih an nung kho taktak, mipi nunnak tiang an hlei ah thifahnuk cat i an kawl-hawl ve mi an thiri tiang an firpiak mi cu lung a fak bak ko. Mipi nih teinak kan hmuh te tik hi cu aw ankan tuahto bantuk tein tuah ve te ding an si. Rf: TLKN
