Kan hnu lei Bago ramtthen chung Min Aung Hlaing ralhraang pawl cawlcanghnak chungah Ayeyarwaddy Bank Phaisa Kyat Ting 40000 phur tu motor damiah tteihnak kong he pehtlai in ralhraang pawl nih lih le hrokhrol an tuahmi vialte a puang dih cang, mah thil tuahnak ah lemcang tu pawl nih hin Kyat ting 15 an hmuh ti si.
Hi lemcannak hnu lei in tawh tlai tu hi USDP palai pakhat si i Kyat ting 15 in mi a hlan hna hnu ah lem a can ter hnami si, ralhraang nih nu phungki pahnih kan tlaih hna an timi zong hi lemcang vemi an si, mah thil tuahnak ah a hruai tu hna zong an si, ralhraang cohlaannak i sandah piah tu ding ah minung pakhat ah Kyat 5000 pe in a hlaang tu zong kha a mah hi si ti si.
A luan ciami November thla rampi thimnak lio zongah tar nu tar pa hna nih a hlaan kan in vote thlaaknak ah khan USDP zawn ah Daw Suh tiah lih le hrokhrol in seal a cum tu zong si tiah an langhter chap.
Cun hi Ayeyarwaddy bank phaisa phur tu motor damiah tteihnak kong he pehtlai in thil a si khomi le si kho lomi fiang tein langhternak zong Mizzima media nih an hun langhter ve, an langhtermi chungah pakhat vun leh chih ka duhmi cu phiasa Kyat ting 40000 hi Kyat 10000 note lawng te an si ah cun salaeih pakhat ah Kyat ting 100 in sanh zongah eih 40 a si lai.
Cun Kyat 5000 note a si ah cun salaeih nganmi pakhat nih Kyat ting 2000 a tlum caah salaeih nganmi pa 20 bak a si lai, salai eih nganmi pa 20, salaeih hmemi in si ah cun a tlawm bik eih 40, minung pa 7, mah vialte hi Hi Jeck motor pakhat nih zei ti hmanh in a phur kho hna lai lo, a tlawm bik motor pa 2 tal cu a hau hrim hrim tiah Bank ah rianttuan tu pakhat nih a chim.
A dang an ttialmi zong saupi in a um nain a sau tuk lai caah rel a zuammi nih Kawlca in nan rak rel khawhnak hnga a tanglei ah link in ka vun thil chih lai, hi thil vialte zoh tik ah Ayeyarwaddy bank phaisa phur tu damiah tteih tu hna hi midang si loin an mah ralhraang lei minung an si, PDF pawl min chiater an duh ruangah lem an can ter hnami si ti hi a fiang ngai ngai.
