Mandalay ramtthen, Moegok peng EPC zung ah manager rianttuan tu, ralhraang bawi hlun simi San Aye cu tuni September ni 22, kum 2021 zanlei ah khan a ho ti theih rih lomi hna nih meithal in thilak an kah tiah thawngpaang theih a si, hi hna pawl thihnak thawngpaang theih hi mipi caah thawngpaang ttha a si. Hi kong he pehtlai in Moegok khuami pakhat nih “zung chung bak ah luh hnawh in a lu ah zun 2 in an kah, an kahnak hmun ah thi colh, tlawmpaal ah ralhraang le khuachia palik pawl an rak phanh ruangah ho hmanh nih a hmun ah kan va zoh kho lo” tiah a chim. Ralhraang bawi hlun pakhat simi le Mogok peng EPC zung ah manager rianttuan tu San Aye hi Ngan Zun peng EPC zung in Mogok ah an rak tthialmi si tiah Ngan Zun peng thawngzamhnak lei nih an ttial ve. A tu bantuk in EPC manager le ralhraang bawi hlun San Aye thah a ton ruangah Min Aung Hlaing ralhraang le palik pawl cu Mogok khua chungah lam phihnak le cheknak an tuah chih.
