
Hakha siizung ah an thlawpbul cuahmah mi CNF ralbawi Mg Aung Lin Tun cu tuni zing suimilam 5:00am hrawng ah a nunnak a liam. Hi a thi mi ralbawi pa hi Paletwa myone in Ko Aung Lin Tun kum 26 a si.
A ngandam lohnak ruang ah Hakha siizung ah an rak ratpi i an tlawpbul mi a si. Hmanh sehlaw nizan ah tapung ralkap pawl nih rianttuantu vialte le mizaw dihlak an tthawldawi hna nak in tu bantuk in a nunnak a liam nak hi asi.
CNF ralbawi Ko Aung Lin Tun ruak cu CCPR siizung ah an chiah i tuni suimilam 11:00am ah khan a ruak tlamtling tein an vui khawh tiah theih a si. CNF ralbawi Aung Lin Tun ruak vui lionak Video Link
Ralkap nih Hakha sii-inn kanmah nih tuanvo kan laak lai an ti. March 12 chun in Ralkap nih Hakha sii-inn an luhnawh i “Siibawi le Nurse pawl CDM nan tuah lai maw? Nan tuah ding ahcun zanlei 3:00 hlan ah chuak ulaw kanmah nih tuanvo kan laak lai” an ti.
Hi kong ah Hakha sii-inn uk nih “Siibawite cu kan chuak dih lai. Kan hawile siibawipi pawl zong kan chuak dih lai an ti. Ralkap nih Hakha kan sii-inn tuanvo an laak ding khuami le mino nih zeitin dah nan ruah?” tiah a chim.
Atu hi mino upa le biaknak lei upa le CDM OPD Clinic upa an i ton lio a si. Siibawite le Nurse pawl Quarters in a chuak mi ca ah umnak inn an tawlrelpiak cia dih hna.
Vawleicung khuazaramkip um mi Laimi vialte biatak tein thlazacam ko hna sih, Tapung ralkap pawl nih Hakha siizung riantuan an tthawl mi hna caah kan mah le kan ti khawh ning cio in dirkamh le bomhchanh khawh i zuam cio hna u sih.