Pu, Tialsang Bawitlung Le Pu, Bawi Lian Mang Delhi Website Catial Tu Nih CNA/F An Bawmh Mi Hna Hi Dotla Mi Tirawl Dah Kaw A Si

Delhi Website Ca Ttia Tu Hna Nih CNA/F Bawmhnak An Pek Mi Hna Kongah Kan hnu te ah kan unau Delhi Website cattial tu hna nih kan ram le miphun caah tiin an neih hlei silo mi, an zingzaan eichom tein CNA/F caah Rupees 106,760 an kan bawmh ti thawng kan theih i kan rak i lawm tuk cio hna.

CNA/F leiin Assistant General Secretary II, Salai Htet Ni zong nih Delhi Website cattial tu hna sin zongah lunglawmhnak ca a ttial cang. Salai Htet Ni nih “nan i pekchanh nak hi kan ram le kan miphun tuan bia nih a philh lai lo hlei ah Pathian sin in lei le Van thluachuah dongcat loin nan cungah tlung hram seh” tiah roca ah a ttial.

Kan nih Chinmi zia ttheu cu! mah cu Delhi Website cattial tu hna nih bawmhnak an pek mi cu kan i thawh zau hna i “a tu cu Like le comment duh in phaisa hmuh kan hrial cang lai anti. Thawng dik lawng te thanh le ttial khawh kan izuam cang lai anti” tibantuk hna in Social Media ah kan post salam rih! Midang nih tthatnak an tuahmi cu soisel nak ah kan hman hna. Pathian nih an kan tinh piakmi Khrihfa nunphung asi loh.

Micheukhat kan U le bochan deuh mi hna nih nan i thawh i ” an tactics asi, an lih a zualchin lai” kan ti rih. Minung hi santlaih lo zongah fak le thangtthat a duhmi lawngte kan si dih. Thiltha tuah zong kan duh dih fawn. Kan tuahkhawh dih lo ca tu ah asi. Annih nih ram le miphun caah kan tikhawh tawk te thilttha kan tuah ve anti mi cu ek le voih tluk hmanh ah kan ruah piak hna lo. Chinmi kan zia hi Pathian duhmi asi hnga maw mu? Bia kan chim le comment kan pek ahhin midang hnursuan lo tein a chim mi le ca a ttialmi khi Mifim an si. Pathian duhmi zong asi.

Salai Bawi Lian Mang nih a thawh i ” Lih le hrokhrol rumro ca ttial mi phu nih an thawh mi asi ahcun khirh ding an si” a hei ti chap bei rih cu mu. Kan poi tawn ko. Salai Bawi Liang Mang cu a liamcia caan ah Chin Miphun nih upat mi a si, tuni tiangin kan upat mi a si.

Asinain, tutan Delhi na unau chuah pi lai hritlai nih CNA/F ca ah tiin Cite le Anthur cawknak an neihchun mi tein an bawmhmi hna kawngah Comment na pek mi bia nih, hlan lio Vui tia an in hmuh mi cu Hngerhte ngaw tein hmuh a fawi te. An in upatnak a zawr ngai ngai ko lai hih. A tu lio kan boruak ahcun “Mi zumh awktlak i biachim thiammi si nakin midang zumh awktlak in riantuantu si hi a tha deuh suamau cang”.

Pu Tawk Cung nih, atu lio kan dirhmun cu Covid ah Negative a ttha i, ram le miphun ca rrianttuan nak le bawmhnak ah Thinking/Opinion ah cun Positive hi a ttha ati bang, midang nih thilttha an tuah mi hi soisel nak le thangchiatnak silo in tthatnak lei in zoh thiam/hmuh thiam hi a biapi bik mi asi. Pakhat le khat, Bu khat le khat rianttuan tti caan, thazaang i pek caan asi cang.

A ngaingai ti ahcun Delhi Website Ca ttial tu kan unau hna hi, kan Ca/Holh dirkamh tu dahkaw an si ve. Hrokhrol le Lih a dirkamh tu ah maw nan ruah hna. Sipuazi a tuah tu pa nih “thil a cawk/zuar ah mi nih duh hna seh, ka caw hna seh tiin a thiam nak thluak hmangin rian a ttuan. Ca ttial tu zong nih an Ca relduh hna seh tiin an thiamnak chuah in an cawlcangh ding asi ve ko. Lih le hrokhrol in an ttial ah cun an mah le Pathian kha an i caih te ko lai. Thilttha kan tuah ning cio in kan zuun cio te ko lai.

Open Letter to Salai Bawi Lian Mang & Tialsang Bawitlung: Tu cu Like le Comment duh in phaisa hmuh kan hrial cang lai, thawng dik, lawng te ṭial le thanh khawh kan izuam cang lai an ti. Lawmh aum tuk. Salai Bawi Lian MangLih le hrokhrol rumro ca a tial mi phu nih an thawh mi asi ah cun khirh ding an si. Zei phaisa poh hi lak ding asi lo. Ethic le Principle um lo mi thil tuah hi tha pek lo ding asi. A bik in dothlen nak a tuah mi bu nih thil diklo cu fiangte in doh ngam ding asi.

Total Page Visits: 1113 - Today Page Visits: 1

Leave a Reply

Your email address will not be published. Required fields are marked *