Kan kawlram cu ralhrang nih uknak an lak tthan caah ralhrang uknak cu lak tthan ding ah mipi nih khua kip le pengle tlang kip ah heh tiah doh cio a si. Mipi nih heh tiah ralhrang kan doh cuahmah lio ah Chinmi chung in (Dalan) ralhrang lei ttang in rian a ttuanmi an um tiah theih a si.
Mipi nih Dalan bak ah an ruah mi cu Pu Ngun San Aung a si i, cu kong he pehtlai in kan hnung Hniar Hlawn i a inn bomb nih an puah hnawh mi Pu Phir Mawng cu cMpage nih a inn bomb in an puahhnawh mi kong ah biaruahnak an ngei.
Cu biaruahnak an ngeihnak ahcun Pu Phir Mawng nih a inn bomb in an puah hnawhnak kong le hliamhma a in nak kong le bomb an puahhnawh hna ruang ah an sungzatlak mi kong lam zong a chim. Cun cMpage nih bia pakhat a hal than mi cu, Pu Ngun San Aung kong a si.
Pu Phir Mawng nih Pu Ngun San Aung kong ah a chim mi cu, mipi nih Dalan a si bak ko tiah an ruah mi kong ah hiti hin a chim, a chim mi cu mittha tuk a si, cheuhra cheukhat zong Lung Biakinn ah tampi a pe lengmang mi asi tiah a chim. A tang ah hin cMpage nih biaruahnak an tuahnak kong a video he ka vun thil chih, rak zoh ve.
Video link
