Maw ka thin aw cu tluk fah va fah hringhran cu dah! hringtu nu le pa nih an fate kum khat minung te lawng a si rihmi cu tuzan ah an thih tak diam. Pa Khup Lan Mang (Kum40) le Nu Sui Nei Thluai (Kum 38) nih an fa hngakchia te cu an nuva bak in covid-19 zawt in an thih tak tiah theih a si.
Pa Khup Lan Mang le Nu Sui Nei Thluai te nuva an khua cu Aungyua a si i, Nu Sui Nei Thluai cu a paw chung ah thla 7 tluk hrawng a si mi naute apawi lio mi a si tiah theih asi. Hi hna nuva cu Baptist khrihfabu ah chungtel pakhat an si.
A thih caan cu june 22 tuzan lei ah khan a si i, an pa Khup Lan Mang a thi hmaisa i a thih hnu caan tlawmpal bak ah khin an nu Sui Nei Thluai cu a thi ve tiah theih a si. Hi hna nuva nihcun an fate kum khat minung te lawng a si rihmi cu an thih.
Mah lawng hmanh si lo in nihin June 22 Ah Rev.Thian Khaw Tiam Le an Nu Zong An Nunnak Liam Ve. Rev.Thian Khaw Tiam hi nihin zinglei suimilam 11:40AM ah a nunnak a liam hnu suimilam pakhat dan ah a thaisung nu zong a nunnak a liam ve.
