Donal J. Trump hi tling kho tthiamtthiam a si rih. Aruang cu Upadi (Legislation) serning tein Supreme Court ah biaceih a si lai, cun Supreme Court zongah Trump nih teinak a hmu lai tiah ruahchannak a um.
Aruang cu, Biaceihnak zung sang bik (Supreme court) ah Republican nih Judge 6 a ngei i, Democrats nih Judge 3 lawng a ngei.
Cucaah, Trump nih teinak a hmuh khawh tthiamtthiam rih. Supreme court ah Trump nih teinak a hmuh ahcun zeitindah thil a cang lai? Hitihin a si; constitution ning tein Republican pawl nih Illegal vote le Legal vote kha felfiang tein check-up-nak an ngei lai. Hitihin check-up an tuahning cu a si lai:
1. Deadline hnuah Mail In Vote Ballot a phanmi vialte hlonh dih ding a si. Vote thlak caan-rikhiah (Deadline) cu November ni 3, Nazi 8:00 PM tiang a si. Hihi Cozah Upadi nih 2020 Election caah caan-ri a khiah i, zulhphung a sermi a si.
Hi caan rikhiah hnuah a rak phanmi paohpaoh hi Republican pawl nih dikthlir zohfelnak an tuah lai i, Million zeimawzat deadline hnuah a phanmi ballot, Biden thawnnak ah a hmanmi vialte cu hlonhpiak dih a si lai. Cun, mithicia min hmangin vote an thlakmi vialte relchihmi cu dikthlir hlethlainak an ngei lai, “An hmuhciami hmanh hi 20011 hrawng a si cang,” tiah US Today nih a chim.
2. Democrats chungkhar pakhat nih vote pathum pali an thlakmi vialte zong fiangkilhkelh in langhter a si lai.
3. Pu Trump nih Mail in Vote hi a him loh, a ttha lo, hlennak/rawinak a tam lai tiah a rak chim diam cang. Cucu rak theihchungnak in Mail In Vote Ballot Water Mark a rak chiah diam.
Cucaah, hi Water Mark hmangin Illegal Vote le Legal Vote theih khawh viar a si lai. Water Mark hi a lem cun ser khawh a si ve, asinain Machine ( Seh ) nih a lem le lem lo cu a theih dih hirhiar lai.
4. Military Mail Ballot rel loin an thuhmi vialte rel tthan dih a si lai.
5. Trump Water Mark a cuangmi Ballot an hlonhmi zong rel tthan dih a si lai.
6. Deadline hnuah a phanmi Mail In Vote Ballot paohpaoh kha relchih a si te lai lo.
Hi vialte hi a takin a langh tikah, Legal Vote lawng rel a si lai i, Trump nih a tei hrimhrim lai ti ruahchannak nganpi a um, ahlan legal vote an rel dih dengmang ah khan Trump nih a tei, kha thil kha a hung cang tthan kho.
Asiloah cun, thimnak caah Updadi sermi cu Democrats duh lo riangmang in, Mipi covo hi a biapi tiah an dirpi i, deadline hnuah illegal Mail Vote Ballot cu an dirpichih ko i, biakhiahnak an tuah khawh lo a si ahcun..
1. House of Representative Nancy Pelosy cu Temporary President ah ttuanter khawh a si. Asinain hi thil hi cu a cang lai ti zumh a um lo, a can sual ahcun Joe Biden tlinter tluk a si lai caah, Republican pawl nih an duh kho lai lo. Cu nakin Civil War thawh an duh deuh lai.
2. Asiloah, Congress pawl nih vote an thlak tthan lai i, cu i a tling paohpaoh kha 46th President of US an si lai.
3. Cu i biakhiahnak tuah khawh lo ahcun, Civil War zong tho kho a si cang. Atu zong hi meithal he timhlamh tthiptthap in Republican Party chhungah mi zeimawzat cu an um cang ti a si. Republican mipi pawl nih, ” Pu Trump cu zeidah mipi hi tuah seh tiah na kan duh, timhlamh ciain kan um cang,” tiah an ti.
Asullam cu Civil War thawh a herh zongah timhlamh kan si cang tinak a si. Cutiang dirhmun cu dir kho an si caah, Civil War thawh nakcha cun Supreme Court nih Upadi ning tein lairelnak a ngei ko lai tiah ruahchannak a um.
Upadi ning tein lairelnak ngeih khawh a si ahcun, Legal Vote lawng rel a si than lai, Legal Vote rel tthan a si tikah, Trump nih a tei lai. Cucu vawleicung zumtu pawl nih kan thlacamnak aa langhnak caan a si lai. Thlaraumi pawl nih, “Donal J. Trump hi caan dongh leiah Pathian nih US President caah a khuakhihmi a si,” tiah an chimphuan.
Hlawhltinnak lamthluan hi pangpar phahmi a si lo i, hling le so in phahmi lam a si bantukin, Donal J. Trump hlawh a tlin nakdang caah hling le so lamthluanah a kal cuahmah lio a si. Khrihfa pawl thlacamnak hi Pathian nih a caan rem a ti tikah, khuaruahhar in tlam a tlinter ko lai. Reference: Dr. Steve Turley & Dr, PC Biaksiama
