Sagaing ramtthen, Pinlaybu peng chung ummi Mumit timi hlei cungah hmunhma khuami ralhraang pawl cu nizan September ni 22, kum 2021 zanlei suimilam 4:30PM hrawngah khan PDF phuthum fonh in an phomh ciammaam hna cu ralhraang lei in ceilak te an thi tiah thawngpaang theih a si.
Ralhraang pawl le PDF pasal ttha hna kar ah kah dohnak suimilam pali chung hrawng rau in a chuakmi ah ralhraang lei in bawi pakhat telh in tamlak te an thah khawh hna caah hriamnaam zong tamlak te PDF lei nih an laak khawh tiah The 74 Media nih an langhter.
“Ralhraang lei in a thimi an tam caah hnu lei ah an sip, Battalion Commander le bothum pa telh in ralhraang tamlak te an thi tiah thawngpang theih a si, ralhraang thimi ruak pawl hi an i kalpi hna ruang ah zei zat set an thih belte hi fiang tein theih khawh si rih lo, cheukhat ralhraang ruak pawl cu hlei cung in tiva ah an thlaak ta hna i an put khawh tawk an i kal pi hna” tiah kahdohnak he aa neihniammi pakhat nih chim.
Min Aung Hlaing ralhraang Bridage 44 in ralhraang pawl Naung Mu khua in Wam Be Inn khua lei an rak luh lio ah PDF (Pinlebu), PDF (kawlin) le PDF Vuang Tu nih an phomh hna ruangah Wam Be khua le Naung Inn khua kar ah ummi Mu Mit hlei cungah an phomh hna hi si.
