October 28 kum 2021 Sagaing ah ramthen chungah a cawlcang mi PDF pawl hi chawhrawltu le zaatlang phu hna nih bawmhnak pe hna hlah u, tiah Chief of Police Than Hlaing nih a hroceer hna tiah thawngpaang kan theih. Nihin October 28 kum 2021 Monywa Zungkipkomh Zung ah chawhrawltu hna le zaatlang bu pawl cu Than Hlaing nih meeting a auh hna i atu bantuk in hro hna tiah kan theih.
Palik bawi Than Hlaing nih Sagaing ramthen chung ah a um mi mipi kilvengtu raalkap pawl cu bawmhnakbpelo ding in hostel le a tuah tu pawl le khual tlawng lam leng pawl le mipi bawmchantu phu pawl a auh hna i a tu bantuk in PDF pawl bawmhnak pelo ding in a ti hna hi a si tiah khit thit media nih a langhternak a tuah hi a si.
Kan ram ah kan duh ruang ah le kan uartuk ruangah si hinlo in, kan ram ah federal democracy uknak kan hmuhnak ding caah SAC ralhrang uknak thalo cu do ding in hriamnaam i tlaih cio a hung si. Mah ruang ah mipi kilvengtu ralkap tampi zong an nunnak a liam cang. Asinain a ho hmanh ling donhlo in SAC ralhrang uknak thalo cu oeh zulh in doh cio a si rih.
Mah caah mipi nih kan ralkap pawl kan bawmh hnalo ah cun a ho nih cun dah bawmhnak cu a pek hna lai, mah palik uico pa nih bawmhnak pe hlah uh tiah a hro men hna ruang ah an ngawl hlei cu a ka zum baklo. Faak pi tuin bawmhnak pek i zuam cio ko hna usih. Kan ralkap pawl nih teinak hmu ko hnaseh, thlaza kan camp hna, kan ralkap pawl nan thachia hlahseh mipi nih kan in dirpi ko hna.
