Naka Pauh khua ah a um mi palik sakhaan cu mipi kilvengtu ralkap PDF pawl nih an lak (an ting) cang tiah thawngpaang kan theih. Sagaing ramthen Maing pengkulh Naka pauh khua i a um mi palik ralhrang sakhaan nihin October 29 kum 2021 ni ah mipi kilvengtu ralkap PDF pawl nih an lak (an ting) cang tiah thawngpaang kan theih.
Mah raalhrang palik sakhaan hi PDF rangti pawl Hna-Lunh-hlah- Lu Hmaih Gyi (နှလုံးလှလူမိုက်ကြီး) phu pawl le CDSOM phu pawl le TALOKE PDF le Maing Moe Hleut-Sit pioh-Cia phu pawl le (မြင်းမူလျှပ်စီးပြောက်ကျား) le B.G.F phu pawl le MSPDF phu le MYAUNG WOMEN WARRIORS (MWW) pawl nih an lak (an ting) hnu ah inn zong mei in an khangh dih tiah mizzima nih a tial. A sunglawi kho tuk Pathian nih ram le miphun zalennak ding caah hmang chin lengmang ko hnaseh. Tutan dothlennnak ah mipi kan sunglonak ding ah mipi dihlak nih kan thiam ning cio le kan si khawh ning cio in do lengmang rih ko hna usih.
Nihin October 29 kum 2021 chun suimilaam 11:00am hrawnghrang ah khan Thantlang khuapi ah SAC ralhrang pakhat nih thila fir caah CDF Thantlang nih an kah i a meithal zong an lak piak tiah CDF Thantlang sin in kan theih. Mah thil a can hnu tlawmpal ah SAC ralhrang hna nih hriamnaam ngan in CDF pawl cu an kah hna caah Thantlang khuapi ah inn 5 mei nih a kangh cang tiah atu ca kan tial tiang ah hin kan theih.
