Sagaing ramtthen Khin Oo Peng Ai-poh-gyi tihmi khua i USDP hruaitu U Ung Khaing cu hmaihuh/ hmai-aituam mi minung pahnih nih tuni may 38 ah a inn chung ah an va luhhnawh in methal in an kah in a nunnak a liam.
USDP hruaitu U Ung Khaing cu tuzing ah khan namtong saupi ai ken i khua chung ah vak in heh tiah khua mipi cu hna hnawhnak a pek hna hnu caan tlawpal ah hmai-huh/ hmai-tuam minung pahnih nih a inn chung bak an va luhhnaw i thi lak in an va kah tiah theih a si.
Tuni zing ah U Ung Khaing nihcun PDf pawl zei hmanh ah kan rel hna lo tiah khuapi chung ah a au-khuang tiah theih a si. A au khuang tlawmpal bak ah minung pahnih a inn chung bak ah an va luhhawh thi lak in an va kah. A kap tu cu mizei dah an si tihmi fiang in theih a si rih lo.
SAC ralhrang cu U Ung Khaing thih hnu tlawmpal ah khin khua chung ah an va lut i U Ung khaing thattu an si tiah inn check hlatnak an tuah ko nain caan sau um ngam lo in U Ung Khaing ruak an lak i an zam than tiah theih khua mi pakhat nih a chim.
Nizan may 27 ah khan Mon ramkulh Bilin peng USDP chairman pakhat cu meithal in an kah i a nunnak a liam tiah an chim fawn. Nai hrawng cu Min Aung Hlaing uico rual pawl caah cun luatnak lam a bi chin lengmang. Tining in cun sau an kal kho ti lai lo.
