October 28 kum 2021 Mandalay Ramthen, Meiktila Peng um U Myint Naing le Daw Pyuan Ri hna nih, “Kan fapa Mg. Than Soe Hlaing cu nulepa chimhhrinnak ngai loin amah duhthimnak lam a zawh caah nihin thok in fapa rocotu sinak in kan hlawt,” tiah an thanh tiin Mizzima nih a langhter. An fa sinak in a hlawt mi Mg Than Soe Hlaing nih a hoi kom tha pakhat sin ah “ka thin lung le ka ruahnak le ka tak pum nih mah lam hi kaa thim cang caah kan inn cu ka duhdawt ko nain mah lam hi pehzulh in ka zulh ko lai”, tiah a chim.
Mg Than Soe Hlaing i a nu le a pa hna nih “kan fa Mg Than Soe Hlaing cu nu le pa nih voi tampi kan cawn piak mi a ngaih duhlo caah lung rethei in a kan tuah caah a mah duh thim mi lam i thim in kan inn in a chuak cang, cu caah nihin ni thawk in cun kan fa sinak in kan hlawt cang, a mah he pehtlaihnak kongkau ah zei hmanh i thlaknak kan ngeitilo”, tiah SAC ralhrang kuttang thawngzamh ca pakhat nih a langhter. SAC ralhrang hna nih uknak hramhram in ab lak hnu ah Meiktila khuapi ah SAC ralhrang hna duhlonak langhter nak sandah piahnak zong ah Maung Than Soe Hlaing hi bia tak tein an tel ve lengmang mi pakhat a si.
Democracy uknak duhnak langhter sandahpiah nak ah aa tel mi pawl cu SAC ralhrang hna nih tlaihkhihnak an tuah lengmang caah Maung Than Soe Hlaing cu April a lai hawl hrawnghrang ah hmunhim lei ah hriamnaam tlai ve ding in a kal tiah a hawikom pakhat nih a chim. Yangon|Mandalay le pengkulh sang sang hna ah SAC ralhrang hna duhlonak langhter nak i tel in hriamnaam a tlai ve mi nipi kilvengtu ralkap PDF thenkhat hna zong an nu le pa nih an hlawt mi hna an im len tiah mizzima nih a tial.
