Chin ram Paletwa peng cu U Hlah Ting nih Arakhan (Rakhan) ram chung ah a chuah. Chin mi kasi timi long in a za ti lo ralhrang hna le AA pawl biatak tein doh an hau.
Pumpak thil asi lo’ Chin national (mipi) an kan nehseh nak an langhter mi asi. Chin ram nih teh zei bantuk bia dah kan chim ve la’. Chin mipi kan ttantti hna a hau, CNDF/ CNA ah luh thluahmah i kan thazaang tthawnter kan hau.
AA nih kan ram an kan chuh mi le ralhhrang hna kut in zalong te i kan um khawhnak ding ahcun kan Chin ralkap biatak tein thazaang tthawnter hmaisat a herh.
Chin mi ram chung ram leng um mi dihlak nih kan Chin ralkap za ah za i kan dirpi hna hnu longlong ah ralhrang hna kut in si seh, AA nih kan ram Paletwa ram ankan chuh mi khi kan chuh khawh la.
Relchap- CDM Tuahmi Ngandam Riantuan Sii-Inn Ah Kai Than Dingin Ralhrang Lubik Nih Nawlnak A Tuah”Sizung Ah Van Kai Canguh” Tiah CDM Tuahmi Ngandamnak Lei Riantuan Hna Cu Ralhrang Bawi Nih A Nawl
Covid third wave ah zawtnak a karhtuk i, sizung ah sibawi te an i deih lo caah CDM tuahmi sibawi te cu sizung kai than dingah nawlngeihnak latu ralhrang rallokap bawi Buhmugyi Min Aung Hlaing nih nihin ah nawlnak a tuah.
“Kanmah nih cun voitam pi kan in auh ko hna, van ra uh,atu bantuk hi zatlang kongkau a si,ramkhel lei a si ,ram caah a si, Micheu cu an ra than,micheu cu a ruang tam pi ruang ah a ra kho lo mi an um, kan nawl than ko hna , ngandamnak lei zohkhenh tu dihlak fonh in tuan ding ah chim ka duh ” tiah nihin Naypyidaw ah tuah mi Covid-19 zawtnak kong he pehtlai in tonnak ah a chim.
Atu sizung le sikhan ah ngandamnak lei depay kuttang in ngandamnak lei riantuan hna le rallokap phu in ngandamnak lei riantuan mi dihlak hi 30000 leng nih mizaw zohkhenhnak an ngeih nain Covid zawtnak zohkhenhnak ah an tei kho lo.
Rallokap nih CDM cawlcangh nak ah a tel mi sibawi te cu an tlaihhna hlei ah a sual puhmi sanghlei in taza an cuai hna.
A luancia mi Covid rai tlun lio ah khan, zawtnak zohkhenh tu ah a hlei in a tel mi ngandamnak lei riantuan tu hna cu thongthlak an si i,CDM tuahmi Ngandamnak Lei riantuan tu tamdeuh cu an hal mi ramdaihnak a ngah hlanlo CDM cawlcanghnak ah pehzulh tel ding in media ah an langhter. Crd: TCP
