Palek le ralkap nih Tahan Bazar pawngkam meithal an puah lengmang ca ah thilzuar nih an chuah taak dih

Sagaing Ramthen, Kalaymyo Tahan Bazar pi cu ralkap le palek tih ruangah dawr ngeitu hna nih an chuah taak tiah theih a si.

Tahan Bazar dawr ngeitu hna nih an chuah taak ti mi kong he pehtlai in, “Ralkap lei nih thawngthanhnak Order chuah mi zeihmanh a um lo, nizaan ah Kalaymyo-Tahan ah ralkap nih mizapi an kah hna, zahan Tahan Bazaar pawngah meithal an puah caah ralrin in dawr ngeitu hna nih an chuah taaknak hi a si.

Cun, a tu hrawng hi meikhangh le inn kangh hna a tam pah fawn caah ralrin bia a si ko”, tiah bazaar tuanvo ngeitu pakhat nih a chim.

Ralkap nih Myanmar ram ah uknak a laak hnu Kalaymyo mizapi lamzawh mi chung meithal kuanfang hma in a thimi minung 3 an si cang tiah kan theih. Credit: The Hakha Post