Lai paih ah champion la tu Biak Hmun Sang CMPage nih interview an tuahnak vun ngaih cu lung a hmui bak ko. A ruang cu a biachim mi ruangah khin a si. Biak Hmun Sang nih a chim mi hi bantuk in miphun le ram caah paihzuam nak kan tuahnak teinak ka hmuh khawh mi cungah kai lom.
Ka miphun hawi hna kan lungdong hrim hlah seh! teinak kan hmuh hlan lo hmunkhat teah kan ttangtti peng hna lai. Nikhat khat ahcun teinak cu kan hmuh te hrimhrim ko lai a ti mi te ko khi uar a um khunnak a si.
I zuam ahcun Vawleicung ah tei khawh lomi an um bal lo, teitu ka si hrimhrim lai” na ti i, Lai Paih Top 1 a simi Rung Lian Ceu cu na tei taktak. Nangmah le nangmah na zuamnak le na zumhngamnak nih t’hawnnak le teinak an pek.
Na lungput zong aa dawh, na hmuhmi tangka in CNA/CDF na bawmhchanh hna ti theih ah lung a hmui khun. Bawipa nih lam in hruai chin ko seh. Biak Hmun Sang le Rung Lian Ceu nan pahnih in miphun nan dawtnak cung ah kan upat tuk hna.
Kan lai paih thawng hna nih miphun dawtnak he caan tampi pek in an i pai i teinak buai lo tein miphun dawtnak le kan ral teikhawhnak pakhat nak chia in phaisa tampi phalh in an i paih mi hmuh tik ah upat an um hringhran. Bawipa nih thawnnak chap chin ko hna seh. A tang hi CMPage nih interview an tuahnak video si rak zoh chih ve.
