October 28 kum 2021 Sagaing ramthen Kawlin pengkulh Phale khua pawng ah SAC ralhrang uico pawl le Kawlin PDF pawl lak kar kahohnak chuak ah Kawlin PDF nih SAC ralhrang uico 25 an thah khawh hna i Kawlin PDF lei in minung 3 nih ram le miphun caah an nunnak an pek ve tiah Kawlin Revolution -KR nih cathanh an chuah.
Nizan October 28 kahdohnak ah SAC ralhrang hna nih raldohnak van lawng in daan tuk in an kahdoh hna caah atu bantuk in kawlin PDF pasal tha minung 3 nih ram le miphun caah an nunnak an pek hi a si. Kawlin pasal tha pawl upat hmaizahnak kan in pek hna ram le miphun caah nunnak a pe mi chungkhar Pathian nih hnem ko hnaseh.
October 27 kum 2021 lio ah khan Kawlin PDF le SAC ralhrang uico pawl cu Kawlin pengkulh Kyauk Pin Tha le Ka Chin Kung khuablak kar kahdohnak chuak ah Kah-Lah-Zah 10 in bohogui Ye Htun Oo a thi ve an dihlak in SAC ralhrang uico 40 an thi, mah caah nizab October 28 ah SAC ralhrang pawl nih faak tuk in an kahdoh hna nak hi a si. Kan ram ah federal democracy uknak tha kan hmuh khawhnak ding caah SAC ralhrang uknak thalo a dohnak ah Pathian nih teinak a kan pek cuahmah ko, an i kahdohnak kip ah SAC ralhrang a thi mi an deuh lengmang ko.
October 27 kum 2021 kawlin PDF le SAC ralhrang hna lak kar kahdohnak ah a thi mi Bohmu Ye Htun i ruak cu a fawi lannak in phum a si caah khuami pawl le mipi bawm chan tu phu pawl cu a tha tein phun ding in an ti hna caah bohmu Ye Htun i a ruak cu tha tein an phum piak hna tiah Kawlin Revolution-KR nih thawngthanhnak ah a tial. Kawlin PDF le SAC ralhrang hna lak kar kahdohnak ah a thi mi bohmu Ye Htun hi tatmah 88 kut tang Maway ramthen Saku hmun no 10 nak ah a um mi a si tiah khit thit media nih a tial.
