Kan theih dih cio bang in kan kawlram cu ralhrang nih uknak hramhram in an lak caah mipi nih ralhrang uknak duhlo in nichiar te alam kip in duhlo nak langhter a si.
Kan hnung thla ah Kalaymyo mino hna nih ralhrang an doh hna i minung zeimaw zah an thah hna. Mah hnu bak cun ralhrang nih kawlram chung hmun kip ah mipi sandahpiah tu pawl hna cu heh tiah fahnak biatak deuh in an hung pek hna.
Mah ruang ahcun caan raulo te chung ah Laitlang hmun kip ah mipi ralvengtu ding ralkap an dirh thluahmah ve. Cu hna nihcun hmun kip ah ralhrang pawl doh hram an thawk i, ralhrang lei zong nih biatak tein cunglei he tanglei he doh hram an thawk ve.
Cu kahdohnak ahcun CDF ralkap chung zong in minung zeimaw zah an nunnak a liam cang. Ralhrang le mipi rungvengtu ralkap hna karlak ah fak tuk in kahdohnak a chuak cang caah NUG cozah thar nih mipi kilvengtu ralkap hna cu hiti hin nawlnak a tuah hna.
A ti mi hna cu mipi kilvengtu hna ralhrang nan doh tikah mipi nih harnak fak tuk an tawn sual nak ngha lo ralring tein doh i zuam cio uh tiah an ti hna. Mipi kilvengtu hna ralhrang cu NUG cozah thar nih nawlnak an tuah mi hna cu ral kan doh tik ah mipi nih fahnak an tawn sual lo nak ding ah ralrin an pek hna.
