Caankarlak Myanmar cozah NUG nih a sermi People Defense Force (PDF) training limnak nihin (May 28) ah an tuahmi cu CRPH nih a langhter.
NUG nih Myanmar ramchung ah PDF Command Center 5 in a ser i, atutan training a limmi hna hi SAC ralhrang do ding in PDF Southern Command (တောင်ပိုင်းစစ်ဌာနချုပ်) ah a pum aa pemi mino pawl an si hna. Training limnak hmun ah NUG Home Minister U Lwin Ko Latt nih a telpi hna.
NUG ralkap People Defence Force (PDF) training kai mi an vun dih thluahmah cang i Min Aung Hlaing caah cun thawngchia taktak a si. A tang ah hin training kai mi pawl nih training an dihni an chuah lai teah an colhcanghnak video he an rak thlah. Crd: CKM
Relchap-Dalan Ttuantu U Phone kyaw Cu KIA Ralkap Nih An Thah Khawh Cang.
May 26 zanlei suimilam 3:00pm ah Myitkyina- Tanai raod Shadoo Zwe Kua ah public war Leader House cu ralhrang hna nih an rak kah hna nak ah KIA ralkap minung 4 an nunnak a rak liam.
KIA ralkap minung 4 an nunnak tiang a rak liamnak a ruang cu, Dalan rianttuantu minung pakhat ruang ah a si. Cu Dalan ttuantu pa U Phone Kyaw cu nizan may 27 zan suimilam 9:000pm ah KIA nih an thah ve.
KIA ralkap nih nikhat chung an kawl hnu ahcun may 27 zan suimilam 9:00pm ah a umnak Naing Mi khuate, Tanai Lidu road, Hpakant Township ah thi lak in an va kah tiah theih a si.
