A hmasa bik ah carel tu hna sin ah theihternak vun tuah kan duhmi cu mah ca hi an mah Chinland Defense Force nih official tein an thlah cang caah le Kawl media tiang hmanh nih an thlah thluahmah cang ko caah kan vun lehmi si.
Chin ramkulh, Thangtlang khua chungah ah nizan September ni 18, kum 2021 ah khan Chinland Defense Force le Chin National Army (CNA) ralkap hna ttang in Min Aung Hlaing ralhraang pawl he an i kah dohnak ah CDF le CNA lei nih ralhraang 30 leng an thah hna tiah an mah Chinland Defense Force nih thawngthanhnak an tuah.
Nizan September ni 18, kum 2021 zing suimilam 10:00AM in zanlei suimilam 4:00PM tiang Thantlang khua chungah kah dohnak hi a chuak, ralhraang lei in 30 leng an thi nain CDF le CNA lei in a thimi le hliamhma pumi an um lo, hmailei ralhraang nan dohnak zong ah kan biakmi Pathian nih in veng hna sehlaw teinak in pe ko hna seh!
Nizan kah dohnak ah CDF le CNA lei nih ralhraang 30 leng an thah hnami cungah kan i lawm tuk cio lai, mah belte CDF le CNA an tei hna lo ruangah ralhraang pawl nih Thantlang khua chung ah bomb kap in minung umnak inn 19 a kaangmi le zei hmanh sualnak nei lo pastor pakhat an kan thah piakmi cungah cun kan ngaihchia tuk cio hna.
