Ni hrawng kan kawlram thawngpang cu pakhat te hmanh thawngpangttha theih awk a um kho ti lo, nizan may 27 chung lawng bak ah mipi thinphang dihlak in akan chia tu thawngpang tampi lak ah abiapi deuh mi paruk ka rak langhter hna, mah hna cu a tang ah hin ka rak langhter hna.
1. Mizoram in Kalay ah a tlung mi pakhat sinin Covid zawtnak hmuh a si. India , Mizoram ramkulh, Kawlram ramri si mi Zokhuathar in Kalaymyo Myohlah vengah a tlung mi nu pakhat(kum-70) sinin nihin zaanlei ah Covid zawtnak hmuh a si .
Nihin (May 27) chung Kalaymyo ah Covid zawtnak hmuh tharmi ,minung (5) an si. Atu Kalaymyo ah Covid zawtnak hmuh mi ,minung (9) an si cang. Kan um kalnak cio ah mask bunh daithlang hña hlah usih.
2. Dr. Za Chhinga Rallokap Nih An Kah Magway Sii-inn pi i Surgerical Specialist,(ခြဲစိတ္ဆရာဝန္ႀကီး) Dr. Za Chhinga cu May 26 zaan ah Golf celhnak in,innlei a tin lio ah rallokap nih an kah i, kehlei mit a chuak,Magway ah thlop awk a that deuh lo caah Naypyidaw ihkhun 1000 sii-inn pi ah an thlop lio a si.
A thluak a hnorsuan lo caah a nunnak caah tihphan awk tuk cu a si lo, lungzong a fim ko,Asinain a mit cu thlop awk a tha ti lai lo. A nihhi Kalay MP Pi Siami u a si.
3. Thailand Ram Ah Zombie Virus Bantuk Zawtnak Thar An Hmuh. Thailand ram ah zombie virus bantuk zawtnak thar an hmuh,a tanglei ah links kan tarmi zong in zoh khawh a si.Hi zawtnak cu Thailand ramthen 11 ah a um cang,zei bantuk zawtnak a si ti cu theih a si rih lo.
Zombie Virus bantuk zawtnak thar cu Caw le Vok in a chuakmi a si.Cu ruangah Cawsa le Voksa ei i ralrin a hauhnak kong cu Thailand lei nih a thanh, hi bantuk zawtnak ngei sa ei ruangah minung pasarih zawtnak nihh a phanh hna i minung pali an nunnak a liam.
4. Thantlang khuachung ah rallokap ta a si mi drone an zuan ter. Chin ramkulh, Thantlang khuachung ah May 26 ni ah rallokap ta a si mi drone voihnih thlah a si tiah khua mi hña nih an chim..
Zingka suimilam 10:00 – 11:00 AM Kar ah voikhat , zaanlei suimilam 4:00PM ah voikhat an thlah hnuah rallokap umnak lei ah a zuang tiah khuami hña nih an chim.
Thantlang khuachung zaan dangah meithal thawng le puahkeh thawng theih a si. A sinain mipi le rallokap kar ah kahdohnak cu a si lo.
5. Kawlram kuat ding mi hriam hña cu Thai ramri ah an tlaih. Kawlram ah kuat ding mi hriam, meithal tha tha hña cu Thai cozah nih (May 27) zaanlei ah Thai ramthen Maesai (မဲဆိုင္ၿမိဳ့) ah an tlaih tiah Maesaipress thawngzamhnak nih an langhter.
6. Nizan may 27 ah Demoso ralzaam dornak hmun ah thilri chaanmi mino kum (20) mi pakhat cu rallokap kutin a nunnak a liam. Crd: TCP
