Tuni Mandalay PDF le Ralhrang I Kahnak Ah Ralhrang Lei In. Tongmangbawi le Bawiham An Thi PDF 2 Nunnak Liam i minung 6 Tlaih An Si.
Nihin Mandalay ah a cangmi Mandalay PDF le ralhrang i kahnak ah ralhrang lei in Tongmangbawi pakhat le Bawiham pakhat an thi tiah theih asi.
I kahnak ah PDF lei in pahnih an nunnak a liam i paruk tlaih an si tiah fehter in thawng theih asi.
Hi a thimi ralhrang pa hi phungki pa taza a rak cuaitu Tongmangbawi Aung Myo Kyaw asi tiah khuami pakhat nih a chim.Hmanthlak hi a thimi ralhrang Tongmangbawi Aung Myo Kyaw asi. Crd: TCP
Relchap-NUG cu caan karlak ca asi bantuk in pumpak cio zong nih caan karlak te cu miphun tanh tuk le party tanh hi hrial rih hna usih
A caan le thil can ning hoih in ramkheel a tuah duh lo mi, miphun tanhnak lung put pakhat he lawng ramkheel atuah mi hi bochan tlak lo bik ramkheel pa/nu ah ka ruah hna.
Ramkheel dik taktak cu tiva kam ah akheu mi thingkung, a hnah aui bal lomi he tahchun khawh asi. Tivakam / anung mi thingkung cu thliachia ahran zongah thlithiang ahran zongah athlihran hoih in thingkung cu a cawl, aa thui.
Cu thlihran lak ah hram tuk mi in arak thla diam. Asinain athi/ro cang mi thingkung cu acawl bal lo, khong thup in adir. Thli nih acawlter kho lo, asinain ahram afeh ruangah si lo a cawl tertu nunnak a um ti lo caah asi.
Nihin kan ram buainak kong ah miphun tanh tuk lungput ngei mi hna cu acawl cang ti lomi thingro, khong tur in adir mi bantuk an tam. CRPH le NUG zong zeirel lo, zumh le lunghrinh, soisel le doh rumro in caan pe mi an tam.
CRPH le NUG cu thliachia totho bantuk in doh le soisel. A ngaingai ti ahcun thliachia hran nak in thinkung nih hramthup pi athlak i ahram afek. NUG le CRPH hna lak zongin ramkheel thianghlim hramthuk pi ah thlak khawh asi ko.
Tih phan ding le zumh lo ding asi lo. Caan karlak Federal hmuhnak caa tuanvo latu phu khi an si ko.
Ziah Federal caah mifim kan ngei mi laimi hna zong federal kongah hmunhma pek an si ko, CNA /A he zong tuanti dingin hnatlaknak tuah asi ko cang bu ah ziah NUG cung ah kan vuivai lengmang hnga.
Ziah kan zumh lomi phu he cun riantuan ti dingcun nan i timh. Kan langhter duh micu, kan miphun hriamtlai hna nih NUG he hmai an kalti cang, kan miphun hriamtlai hna lak in bochan mi Dr. Lian Hmung Sakhong zong abiapi mi Federal Vuanci hmun pek asi.
Hi tluk tiangah hin a miphun an policy e tiah au tuk hi kaltak cang hna usih. NUG cu caan karlak ca asi bantuk in pumpak cio zong nih caan karlak te cu miphun tanh tuk le party tanh hi hrial rih hna usih. Crd: Lai Ram Laipa
