June 1 ah zanlei suimilam 1:00pm ah khan Myawaddy Township, Kayin state ah BGF Border Guard le DKBA ralkap fak taktak in an ni kap tiah theih a si. Hi kahdohnak ah hin BGF rallokap 32 an thi i minung 8 hliamhma an pu tiah theih asi.
Hi kahdohnak ah hin BGF, Border Guard Force lei in minung 32 an thi leng ah minung 8 fak ngai in hliamhma an pu. A thi mi 32 lak ah SAC rallokap 29 an sii, 3 cu BGF, Border Guard Force an si tiah theih asi.
Kan ni fian khawhnak ding ahcun DKBA ralkap cu (Democratic Karen Buddhist Army) an si i, BGF ralkap cu (Border Guard Force) tiah auh mi an si ve. Nai cikhua cu Min Aung Hlaing uico pa caah cun thawngpang ttha pakhat te hmanh theih awk a um kho ti lo.
Relchap- May Thla Chung ah SAC Ralhrang 600 Dengmang an Thi. May 1-31 tiang ah Myanmar ramchung ah hmun kip ah SAC ralhrang le an hnuzul pawl minung 577 an thi, tiah BAP nih cazin a lakmi a langhter.
Ralzam ah a thimi SAC ralkap pawl lawng si loin SAC ralhrang hnuzul khua/sang uktu le dalan pawl zong an relh chih hna.May thla chung lawng ah 577 an thi i, a dang minung 378 hi hliamhma an pu hna. Ni khat ah minung 18 rate in an thi.
Cun, May thla chung ah peng kip le khua kip ah a cangmi mipi rungvengtu ralkap bu, tlangcungmi hriamtlaitu hna le SAC ralhrang karlak kahdohnak voi 289 a chuak.
Abikin, Kachin, Kaya, Kayin, Chin, Shan, Magwe ramtthen le Sagaing ramtthen pawl ah kahdohnak a tam i, cuka hmun pawl ah cun SAC ralhrang a thimi an tam hna.
Cun, Yangon tibantuk Kawlrawn chung khuapi pawl ah uknak lei zung le dalan inn bomb puah a tam i, thah a tongmi khua uktu/sang uktu le dalan pawl an um len.
A cunglei May thla chung SAC ralhrang a thimi le hliam a pumi cazin hi Myanmar ramchung zumhtlak Media pawl nih an tarmi Data pawl cherhchan in BAP nih a lakmi a si.
Nizaan May 31 i, Kayin ramkulh, Demoso peng, Kungtha khua kahdohnak lawng ah SAC ralhrang 80 hrawng an thi. Atu bantuk in SAC ralhrang lei a thimi an tam tuk nain SAC thawngzamhnak Myanmar Alin le Kye Mon tibantuk ah a thimi milu fiang in langhter a um ballo. Crd: TCJ
