Nihin Hakha Ah Covid-19 Zawtnak Nei Thar 4 An Hmuh Chap Covid Zawtnak In Damnak A Hmu Mi Minung 4 An Um

Nihin October 18 kum 2021 Hakha khuapi ah Covid-19 zawtnak cheknak cu hmun hnih ah an tuah tthan i covid- 19 zawtnak check mi dihlak ah minung 13 an si i mah lak ah minung 4 nih covid-19 zawtnak an nei tiah thawngpaang kan theih. Covid-19 zawtnak in caan zei maw zat chung an zawt hnu ah Pathian dawtnak thawngin le siibawi pawl hna hmang in covid mizaw minung 4 nih covid-19 zawtnak in damnak an hmuh caah an inn ah tinter an si cang.

Atu ah hin covid-19 zawtnak in a zaw mi mizaw 61 hna cu covid care center 1&2 ah 52 le Hakha sizung pi ah 9 zohkheh cuahmah an si tiah kan theih. Nihin October 30, Hakha Covid checknak result cu CCC- 1,No.3 BEHS ah checkmi 6 positive hmuhmi 4 an si, an umnak sang le khrihfabu cu dawrhlun in 1 (HBC) in le hakhathar in 3 (BCM) an si, cun siizung ah checkmi 7 positive hmuhmi an umlo tiah hakha township public healthcare committee leader Dr. Rev Stephen Lian Hup Ling sin in kan theih.

Atu lio cu Hakha khuapi ah lockdown tuah lio a si caah covid mizaw zong an zawr ngai ngai leng ah covid 19 zawtnak in damnak a hmu zong an tam ngaingai cang kan biak jehovah Pathian sinah lawmhnak bia chim cio ko hna usih. Atu covid-19 zawtnak in zohkhenh cuahmah a si mi minung 61 caah le kan sibawi pawl caah le volunteers pawl caah faak piin thlacam piak ko hna usih. Kan biak Jehovah Pathian ruang ah le an mah ruangah le hi tluk in Hakha khuapi ah covid-19 zawtnak a nei mi si hnaseh a thi mi si hnaseh an tlawmnak hi a si.

Total Page Visits: 265 - Today Page Visits: 1

Leave a Reply

Your email address will not be published. Required fields are marked *