Karen National Union (KNU) Bridage 5 hmunhma chungah a luan ciami September ni 1 thok in ni 15 tiang (ni 15 chung) ah uknak chut tu le mipi a kan that tu Min Aung Hlaing ralhraang pawl, an lei ttang BGF hna le Karen National Liberation Army (KNLA) hna kar ah kah dohnak 122 a chuak.
Hi kah dohnak voi 112 a chuakmi ah BGF ralbawi pakhat telh in ralhraang 70 an thah hna, 91 an hliam rih hna tiah thawngpaang theih a si, hi kahdohnak ah hin KNU Bridage 3 le Bridage 5 hna cawlcanghnak le hmunhma aa ritnak zawn ah ummi ralhraang pawl Kabawtu timi sakhan kahnak kong zong aa tel chih.
KNLA lei in ralkap pa 2 hna nih ram le miphun caah an nunnak an pek i a dang pa 5 hliamhma an pu ve, ralhraang pawl riahcaw phur tu Rang pa 10 zong an thi. Ralhraang thimi 70 hna lak ah hin BGF ralkap pawl zong an i tel ve nain ralhraang lei ttangmi an si caah ralhraang tiah kan vun lehnak si.
Min Aung Hlaing ralhraang pawl nih hin lamhlaat bomb kahnak in voi 110 leng an kah hna ruangah khuami hna inn pa 5 a rawk, cun mine bomb an tarhmi lamh sual ruangah khuami pakhat hliamhma pu tiah thawngpaang theih chap a si.
