Kachin ramkulh, Monyein myone, Mawhan khua, Budasuh sang ah ralkap council hriamtlai pawl thawngpang petu dalan tiah ruahmi minung 2 cu nizan May 9 zan ah an thah tiah theih a si.
Mawhan khua Butasuh sang ah a ummi U Tin Zaw Yuh cu aho ti theih lomi hriamtlai 2 nih an thahmi a si tiah amah he naihniammi pakhat nih The 74 Media ah a chim.
“Athimi U Tin Zaw Yuh hi sang Se-inn-hmu (innhra uktu) a tuanmi a si. An inn chung a thu ko lio ah meithal aa tlaihmi minung 2 nih an inn chung an lut hnawh i naih taktak in an kah” tiah a cung mipa nh a chim hi a si.
Taungseingyi hmaw zongah Dalan tiah ruahmi minug pakhat thah a tong ve tiah theih a si ve. Nain hi thawngpang ka laknak The 74 Media nih cun fehternak kan tuah kho lo an ti.
Tutan an thahmi minung 2 ruaak cu Monyein district siizung ah an pum hlai hnuah an case tuahpiak in kherhhlainak tuahpiak an si lai tiah theih a si. Crd: Chin Mirror
Relchap-Rallokap Misual Hna Kut In Nunnak Liam Mi Kabia-saya Katti Ruakvui Ruangmang Cang. Min Aung Hlaing uico pa ruang ah hin sualnak ngeilo mipi tamtuk an nunnak aliam cang.
Hi hnu zong ah hin fawibai i ram a daih khawh hlei lo ahcun minung zeizah remruam khi dek an hei thih rih ngha timi ruah ngaihchia taktak a si.
Min Aung Hlaing uico rual pawl nih Kabia-saya Katti cu May 8 ah khan an rak tlaih i May 9.2021 nizan ah khan a nunnak a liam ruangmang ai. Kiabia-saya Katti a min taktak cu Ko Zaw Htun cu misual tapung pawl ruangah a vun dihdongh ruangmang mi cu ngaihchia taktak bak a si.
Kabia-saya Katti ( Ko Zaw Htun) ruak an vui lio nak video zoh cu lungrawk taktak asi. Zei sualnak nei lo mi hna cung ah rallokap pawl thil tuah le cawlcangh ning hmuh ahhin cun minung fa nih a celh i celh ding a si lo.
