A luancia mi caan zeimaw zah chung ah kawlram Online cung ah a linsa ngai mi Naypidaw Wisdom Hill Tual leng sianginn ah kum 4 nghakchia nute tlaihrem kong kha a si. Mah kong he pehtlai in Palik nih hlathlai nak baktak te an tuah hnu ah Driver Aung Gyi cu palik matingka in anrak tlaih.
Thong chung ah caan zeimaw zah chung an thlak hnu ah Driver Aung Gyi cu Victoria tlaihhrem tu a si lo tiah thlah tthan a si. Victoria tlaihhrem tu cu tuchunni tiang an thei kho lo. Nov 8.12.2020 tuni ah Driver Aung Gyi nih ningcang lo in a tlai tu palik pawl cu tazacuai a timh hna.
Driver Aung Gyi nihcun palik pawl cu kyat ting 5000 bak liamter a timh cang hna tiah theih asi. Driver pa Aung Gyi nih Myanmar Palik pawl cu Naypidaw, Dek-Khae-Nah District Court ah tuni Nov 8 ah tazacuai ding in case an file hi a si. Driver Aung Gyi nih case a file cu Court nih pohma 312/2020 ah an cohlan piak cawlh tiah theih asi.
Ko Aung Gyi/ Ko Aung Kyaw Myo tiah an auh mi driver pa cu nghakchia nute Victoria tlaihhrem case pohma 376 hmang in palik nih an rak tlaih i thla 6 chung thong ah an rak thlak hi a si. Ko Aung Gyi cu Victoria tlaihhrem tu a si tiah an puhmi cu a hman lo caah Court ah tu bantuk in tazacuai a timh hna hi a si.
Ningzah mualpho nak vialte an in ter mi kong ah Driver Ko Aung Gyi nih teirulcham ding in Ukil, U Khin Maung Zaw, U Ne Toe, U Te Maung hna nihcun Ukil hlawh la lo in Court ah chimpi le dirpi an timh tiah U Khin Maung Zaw nih Myanmar Now sin ah a chim.
Ko Aung Gyi nih Myanmar Palik pawl tazacuai a timh mi kong ah palik aiawh in Palik Chief U Aung Win Oo (Myanmar Police) Court ah adir lai tiah theih a si. Victoria tlaihhrem kong ah tuchunni tiang zeihmanh bia fiang an theih khawh lo mi hi cu a chungkhar hna caah cun lungrawk le ngaichia taktak a si.
