Kawl miphun lawng hmanh si lo in Lai miphun tiang nih kan theih dih mi hna le kan uar tukmi Myanmar Idolseason 4 lioah Host arak ttuan mi Kyaw Htet Aung cu tunai hrawng in cun kawlram lemcang lei ah ahung lar ngai mipakhat a si. Kawl mi lawng hmanh nih si lo in kan Lai nu tampi nih an thihhnawh deng tiangin an uar mi pumrua ttha muidawh pakhat a si.
Cu ve bantuk thiam in Myanmar Idol season 4 lio ah Judge ttuan mi Phyo Phyo Kyaw Thein cu kawl pa pawl lawng hmanh si lo Lai tlangval rual le Lai patung tiang a zun ah an uai mi nu a si. Mah hna pahnih cu Myanmar Idol season 4 lioah khan hlasak aizuam mi hna nak hmanh in mipi nih an uar deuh mi hna an si.
Kan hnung hrawng kawlram online cung mipi karlak ah a linsa ngai mi thawngpang cu Kyaw Htet Aung le Phyo Phyo Kyaw Thein an ni uar tih mi thawngpang hi a si. Mah thawngpang he pehtlai in mipi lei kap in cun za ah za bak in an i uar/ duh timi cu theih a um lo nain an facebook cahmai i comment an i pek mi tete le zeimaw an dinei tinak zoh tik ah hman ngai dawh a si tiah an rak chimcaih cio hna.
Hi bantuk thawngpang a thang hnu caan zeimaw zah hnu ah Phyo Phyo Kyaw Thein le Host Kyaw Htet Aung coffee an din tti lionak hmanthlak cu Phyu Phyu Kyaw Thein nih a timeline ah a rak post i comment tu like petu an tam kho taktak. Mah hna pahnih hi cu an ni tlak bak ve ko.
An thil tuahmi tete an zoh tik ah mipi nih Phyo Phyo le Kyaw Htet Aung hi an i uar ko tiah an ti nak a si. Nai hrawng kawlram online cung ah mipi nih an buaipi cem mi cu mah hna pahnih kawng hi a si. Kan hnung lei deuh ah khan Kyaw Htet Aung kutdonghrolh mi ruang ah nungak tampi anrak lau cang.
Tu bantuk thil a vun chuah than tik ahcun mi tampi zumh ning ahcun kan hnunglei a kutdonggrolh mi nih a fianter bak ko ti tiang i an rak chim mi cu an umtu ning zoh lengmang tik ah rak hman dawh ngai a si. tuni Phyu Phyu Kyaw Thein nih a timeline ah coffee an dintti lionak hmanthlak arak post mi zoh tik ah an pahnih karlak ah zeimaw cu a um hrim ko ti a fiang.
