Kan ni fiang cio cang maw? Tu i kan herh bik mi cu chawleva rum, minthannam le hlawhtlinnak hi an si lo. Tu i zumtu a mifa hna nih kan herhbik mi cu Jesuh khrih lawnglawng a si. Hawi kan herh bik mi Jesuh Khrih cu na ngei cang maw?
Zeiruangah dah Jesuh cu kan herh bik tuah cun kan vawleicung khuacaan a chia tuk cang i zeitik caan paoh ah kan nunnak a liam kho/ dih kho mi kan si. Mah ruangah zeitluk in vawleicung chawleva rumnak le minthannak cu ngei hmanh ning law Jesuh na ngeih lo ahcun zeihmanh lo an si.
Khrih ah hawi dawt unau hna ruah lopi ah khin na nunnak hei dih sual sehlaw, na thlarau khaw zeidah akal ngha ti hi na ruat bal maw? Jesuh khrih nei manh lo in na nunnak a liam sual ahcun a poi tuk lai. Unau na nunnak kha ttha tein ruat tthan aw caanttha a um lio teah hin.
Relchap- A Tthat Khawh Ning Cu A Dih Dongh Tiang Rel Khawh Rak I Zuam Ve. Tuarzia thiam nak Thawngtha Bia. Na angki kha Nangmah ta a si caah,Na duh ah naa hruk Na duh ah na bah,na duh ah na suk si ko lo maw? Nangmah hi Bawipa ta na si,Bawipa Jesuh nih A thisen in cawk mi na si Amen.
Cu caah Na zawt zong ah,Na thih zong ah na nun zong ah, zei thil na ton mi paoh ah, An ngei Tu pa Jesuh khrih nih na cung ah phan ding in a onh caah a si.
Job Zong kha Pathian Ta a si caah, Satan nih a duh paoh in A hrawk kho lo i, A zawt ter kho lo, Cu caah khrihfa hna cu kan cung i a tlung mi thil paoh hi, A ka ngei tu pa nih a ont caah a si ti hi Kan hngalh lawng lawng ah, Hna ngam nak , lomh nak, Tuarzia thiam nak le Bawipa sunpar nak kan hmuh khawh lai.
Khrih ah Hawi dawt hna, A tu ah khan Zei thil dah na ton mi a si, Mi nung ah hin Haupaoh nih hin Harnak phunkip kan ton cio,Micheu cu Damh kho ti lo zawtnak,Micheu cu Sifah tuar nak,Micheu cu sal ,Mi kut tang ah tuar nak hna etc..
Hi vialte hi kan ton cio dih ii,A fak deuh le A nem deuh Tong mi kan si hna Cu ah kan theih awk a si mi pakhat a um ii, Cucu A kan ngei tu A nun nak in a kan caw tu pa ta kan si ti hi a si. An ngei tu pa nih A ont caah a si ti in tuar zia tu thiam cio hna uhsih mu. Ca rel tu dihlak Bawipa Nih thluachuah in pe chin hna seh. Crd: Hriatpui
Relchap rih-Minung nih a ruah awk kan theih tawn lomi Pathian thluachuah nganbik. Atu lio kan Kawlram dirhmun ah zei dangdang nak in minung nih kan herh bikmj cu Oxygen a si. A dammi zong nih ralrin ah i chiah cio a si.
A zawmi zong Oxygen bur an i hunh cun an hna a ngam. Cu lak ah a zawt a zual tuk i Oxygen nih a dih tak thluahmah mi hna ca ko ah lung a tha lo tuk. A fiangmi cu an dawpmi Oxygen a dih cun a thi ding khi an si. Oxygen i thlaih tuk zong tih a nung. Cheukhat cu tamtuk an i thlaih caah an thluak tiang a rawk i an thi thiam.
Cu lak ah cu tluk a sunglawi mi Oxygen cawk hau lo tein a za tawk tein nifatin dawp ding thli a ngei i THAW a ngei rihmi kan si hi zeitluk mivantha dah kan si. Zeitluk in dah Pathian kan caah a that.
Oxygen zeitluk in dah a man a fah. Mirum a cawknak phaisa ngei ko hna hmanhseh a cawk awk Oxygen a um ti lo caah mah hngal bu tein an nunnak a dih mi an tampi.
Cucaah nihin a lak tein kan dawpmi thli le kan THAW caah hin petu Pathian sin ah lawmhnak bia chim ding kan si. Zeidang kong cu kan ruat kan buai len nain caan tampi ah kan dawpmi thli kong hi a ruah awk kan thei tawn lo.
Chungkhar cio ah Oxygen cawk hau dirhmun ah um usilaw Bur zeizat dah a herh hnga? zei tiang khi dah a kan nguh hnga. Aamahkhan awk a tha lo. A thimi lakah a nungmi le a zawmi lakah a dammi kan si i Pathian thawng lawnglawng a si. Crd: TCT
