Ram le miphun caah nunnak tiang thap in ramtang ah caan a hmangtu National Armed Force hna cu hramhram in kawlram uknak la tu Min Aung Hlaing uico pawl biatak tein doh ding ah timhlamh nak an ngeih cang caah, tuni April 5.2021 ah khan an an nupi le hna he thlahnak programe an neih ter hna.
Tuni ah National Armed Force hna cu kawl ral tapung pawl doh ding ah timhlamhnak an ngeih cang caah an pu le nih ralram ah akal cang dingmi hna cu an nupi le hna he thlahnak an vun tuahpiak hna i sianglo ngai in an nupi le nih mitthli he an vun kuhreh hna mi zoh cu thinlung nih a celh hrim hrim lo.
National Armed Force hna hi kawl uico pawl a doh lengmang tu KNU, KIA Army hna khi an si. Kan umnak hmun cio in an caah thlazacam piak hna sih. Tuni i mitthli he an ni thlahmi khi hmailei an lunglomhter tu thil ah Bawipa nih cangter hram ko seh. Teinak taktak cu Bawipa ta asi caah biatak tein Bawipa sin ah thlacam piak hna sihlaw teinak an hmuh hrim lai.
Relchap-Germany Ramdang Pehtlainak Vuanci Heiko Maas Cu Kawlram Kong Ah Aisum Kho Ti Lo A Vun Holh Ve Cang. Kawlram buainak hi kan zoh sawhsawh ding a si ti lo, nam deuh cu a hau.
Pawngkam ram hna nih Kawlram ah thil a cang lio mi hi an in theihter duh lo pinah cheukhat cu Democracy kilveng ding hmanh an lungah a um lo.
A tu hi can tlawmpal te chungah ralkap nih 500 leng an thah cang. Mahtin a si ahcun Southeast Asian ramchung buainak achuah te khawh mi a si. Kawlram kong ah aa celh lio mi ram ngan hna nih ASEAN he ruahtti in hmalaknak ngan deuh angei a hau cang. tiah Germany ramdang pehtlainak vuanci Heiko Maas nih Funke Media sinah a chimh.
Relchap-CDM a Tuah i a Zaammi Pawl Cohlan Lo Ding in Ralkap nih Rinpi Khuami an Chimh Hna
Nihin zanlei sml. 3:30 hrawng ah ralkap motor 4 cu Hakha peng, Rinpi khua ah an phan i, CDM a tuah i a rak zaammi pawl cohlan lo ding in khuami an chimh hna, tiah thawng kan theih. Ralkap nih CDM a tuahmi pawl min le hmanthlak an i ken i khuami pawl an hmuhsak hna buin cohlan lo ding in an fial hna hi a si.
Laitlang cu Kawlrawn bang si loin atu tiang a dai rih i a ttha ngaingai tiah ralkap nih khuami an chimh hna i ralkap le palik rianttuannak dohdal lo ding in an forhfial chap hna. Cun, pakhatkhat thil a can ahcun ralkap nih mipi kan in ven zungzal ko hna, tiah Rinpi khuami sin biachimnak an ngeih hnu ah Hakha lei ah an kir tthan hna, tiah thawng kan theih.
