Cal Bert John: (Phungthluk 31:10-31) (1peter 3:3-4) Dawh Kanduh tamhnak phunphun Kan hman, Kan Chan nih a kal kal pi kan ti. Nutung fa pahnih thum nei mi zong nih, tawktuh kan I bunh, bawli tuh Kan I hruk. Kan I dawh ko rua tiah, Kan mah te cun Kan lung a hmui ngaingai. Dawhnak hi lenglei ah rak um sehlaw mi tampi caah tahnak a chuahpi men hnga.
Vulei cung NU vialte lak ah a hodah na uar bik tiah ka hal hna sehlaw, Angelina Jolie Ka ti hnga, Actress a si le a rum caah si loin, a lungput le a chung i dawtnak a chuah mi Ka hmuh tikah Ka uar kho tuk. Fa aa neih ko buin mifa ngaktah zohkhenh tu nei lo pathum bak fa ah a lak hna. A duh tuk hna caah si loin hmailei an nun lam ah, lohtlau ding a siang hna lo caah dawtnak thinlung in fa ah a lak hna.
Nu hna an i dawhnak hi lengleng tamhnak, Sui le ngun hi a rak si lo caah, Leng lei dawh nak le tamhnak hi cu caan tawite CA lawng a rak si. Hlen a hmang mi iang le a ziam colh mi dawhnak hi cu caan sau a nguh bello. Saupi a hmun ding mi tucu an I dawhnak taktak an chung muru ah hin a rak um. Cucu dawhnak taktak le tlaihchan awktlak nu cu an si ko.
Nungak tha le nupi tha cu Kan Bible chim bang, tthangthat awk an tlak, fa le nih siseh va le nih siseh an Upat hna I midang zong nih an tthangthat hna. Nungak an si zongah an I dawhnak hi Leng lei ah si loin an chunglei muru tu ah a rak si. Nutung cheukhat luala, duhpoh khawsa le nungak duhpoh khawsa mi hna cu an innchung khurkhar caah bochan mi an si bello. Chungkhar nuam ngaingai an set kho bello.
Chan he a tlak mi hnipuan le tamhnak nakin, let tampi in a biapi deuh mi cu, Chan he a tlak mi LUNGPUT le chunglei i a chuak mi dawtnak a nei tuhi, nu van tha an si lawng si lion, tthangthat awk tlak mi nu cu an si taktak ko. Iang hi hlen a hmang dawhnak hi a ziam kho. Sihmanhsehlaw Bawipa a ttih mi nu cu tthangthat awk a si.
Mah chungchuak fa hmanh thianghlim te a chia kho lo mi, mah vial a tamh zungzal mi nu cu a ho hmanh nih an tthangthat bellai lo. Cu bantuk nupi cu tthangthat tlak an si bello. Caan khat Kan I tamhnak le Kan I dawhnak, lenglei hi a ziam tik ahcun a tang peng ding mi Kan chung muru dawhnak lawng a si lai caah, nupi tha le nungak tha si hi I zuam CIO hna sihlaw cucu Kan Bible cawnpiaknak he a tlak mi nun zong a si.
