American President Joe Biden le United Nations General Secretary simi Antony Guterres hna nih Myanmar ram buainak le democracy kongah a voi 76 nak United Nations General Assembly pi ah biatak tein bia an chimm, kan nih UN lei nih cun Myanmar ram democracy kong ah cawlcanghnak hi sawn lo le pur lo tein kan dirkamh peng ko tiah Antony Guterres nih a chim.
Cun American President Joe Biden zong nih vawlei cung ah democracy chan a dih cang tiah thawngthanh aa timmi ralhraang hna nih an i zuam, a si nain mah hi an palh tak tak mi si, democracy timi hi vawlei cung hmun kip ah a um cang, Belarus, Myanmar, Syria, Cuba, Venezuela le hmun dang dang ah democracy caah ral an do cio hna tiah a chim ve.
Cun UN General Secretary simi Antony Guterres nih Myanmar ram chungah Democracy, Daihnak, Nuhring Covo le a dikmi upadi a chuah khawhnak ding ca i an i zuamnak ah hin sawn lo le tein mipi lei kap ah kan dir ko tiah chim chap ka duh” tiah a chim chap.
Tu ah an tuah cuahmah liomi a voi 76 nak United Nations General Assembly pi ah hin Myanmar ram aiawh tu ding palai caah ralhraang lei nih an chuah pimi pa cu an tel ter duh lo i NUG lei nih a chuah pimi U Kyaw Moe Htun tu cu Myanmar aiaawh in an kai ter.
