Myaing myone a hmat 1 zatkuat, ah-thah-kah 2 sianginn cu tuni may 28 zan ah ciam dihlak in a kang tiah khua mi hna an chim. Sianginn compound chung hrawng ah bomb vawi nga tluk hrawng a puak fawn tiah mahka um sang mi nih cun an chim.
Kangmei a chuak tlawmpal ah ralhrang pawl an rak ra i meithal heh tiah an puah i an ni hrocer tiah mahka um sang mi cheukhat nih cun an chim. Kangmei a chuahnak a ruang cu zeihmanh bia fiang theih a si rih lo tiah an chim.
A tang ah hin Myaing myone a hmat 1 zatkuat, ah-thah-kah 2 sianginn a kangh lionak cu a video he ka rak thil chih na zoh duh ahcun video link tihmi te hi hmeh piak law tlawmtling tein na zoh khawh lai.
Relchap- Ralhrang Hna Dohtu SNA Ralkap Hruaitu Pakhat A Nunnak A Liam. Shanni National Army- SNA Hruaitu Pakhat Thah a si. Ralhrangbu a doh mi Shanni Ralkap- SNA Deputy Chief General Sat Aung Thein @ Sat Khun Kyaw cu nizan May 27 ah khan a ho ti theih lo mi nih meithal he an kah i a thi tiah theih a si.
May 26 ah meithal he an kah nak hma a pu i May 27 ah khan a thi. SNA ralkap cheukhat zong hma an pu ve, Mi pakhat nih kap dingin a tinh lio ah a mah a ven tu pa nih a hmuh i kah a timh nain kap hlah tiah a thloh caah a si. A kap tu zong a thi in kan hmuh” tiah SNA rianngeitu pakhat nih a chimh.
Gen. Sat Khun Kyaw hi ABSDF ah ralkap lutlai rian le RCSS/SSA Central Committee chungtel rian saupi a rak tuan cang mi a si, Yebaw Tan Chawng, Myint Soe tiin mi tam deuh nih theih mi a si. 2016 ah khan Shanni National Army dirh ding a timh lio ah tlaih a si i, 2018 kum ah a luat hnuah SNA ah Vice Chief of Staff rian a tlai lio mi a si. Kum 56 a si i, a nupi le fanu pahnih a kaltak tiah theih a si. Crd: TCP
