Nizan may 28 zinglei suimilam 8:15am hrawng ah Shan ram Muse khuapi ah bomb a puak i minung pakhat a thi i, pakhat hliamhma fak taktak in a ing tiah theih a si.
Apuak nak hmun cu Shan ram Muse sianginn No.3 kam Civil Hospital le Lashu sii dawr hmai ah a si. A hmun ah pakhat cu a thi colh i, pakhat deuh cu hliamhma fak tuk a ing tiah theih a si.
Hi bantuk thil cangmi cu zei bantuk minung nih dah an tuah mi a si ti hmanh tu tiang theih khawh a si lo. Nai hrawng cu kan theih dih cio bang in bomb a puak tihmi thawngpang theih awk a tam ngai caah kan umkal nak ah ralring tein um khawh i zuam cio kan herh.
Mipi le ralhrang karlak ah biatak tein kahdohnak a hung chuak hnu in cun ralhrang lei zong nih hmun kip ah bomb an kamh tihmi thawngpang zong theih lengmang a si. Mah caah cun khualtlawng lo in um awk kan that lo hmanh ah ralring tein umkal khawh kha a herh tuk mi a si. Rf: Myanmar Now
