Tuni September ni 16, kum 2021 zan suimilam 7:30PM ah khan Sagaing ramtthen Monywa khua ah ummi, Min Aung Hlaing ralhraang pawl neihmi Myanmar Beer zung cu People Defense Force (Monywa) in ralkap pawl nih bomb an va puah tiah thawngpaang theih a si.
Monywa khua chung le peng chung kip ah an zuarnak an semnak hmun simi Myanmar Beer zung hi uknak chut tu Min Aung Hlaing te phu hna caah an tthiangtthunh bantuk bak si caah tu bantuk in MPDF nih bomb in an puahnak hi si, a tu bantuk in PDF nih bomb an puah ruangah zung rianttuan tu hna chung in a thimi le hliamhma pumi ti bantuk an um le um lo tu cu theih si rih lo.
Hi kong he pehtlai in MPDF lei in ttuanvo nei tu pakhat nih “ralhraang pawl a doh tu tung pakhat bantuk a simi Myanmar Beer zung hi MPDF in bomb puahnak lei kap ah a thiammi Khunsa te nih ralrinnak ah tiin an puahmi si” tiah a chim.
Nizan September ni 15, kum 2021 zing suimilam 8:00AM hrawng zong ah khan Monywa khua, Kyoke Kar lampi cungah ummi le ralhraang pawl ta simi Mytel zung zongah bomb an rak puah cang, ralhraang pawl phaisa hmuhnak lam simi paoh a hram in chah dih kan duh caah kan puahmi si tiah MPDF lei in ttuanvo nei tu pakhat nih a chim chap.
