A luancia caan ah Lemcang thiam Minta Wai Lu Kyaw he minchiatnak fakpi a rak ngeitu Model Muidawh Thin Thin nih nizan nai teah ralhrang hna nih Actor Director rian an khinh mi kong he pehtlai in khuaruahhar tukmi thil a tuah ruang ah kawlram mipi an lau dih.
Model Thin Thin cu a luancia lio ah khan kawlram Lemcang nak lei zung nih mintthatnak Card tiang in an rak pek mi nu a si. Hmanh sehlaw Model Thin Thin nih a ti mi cu rian ttha tuk ankan pek ko nain zeiti hmanh in ka cohlang duh lo.
Hi tluk a sunglawi mi rian nanka pekmi cu zeitik hmanh ah ka philh ti lai lo, kawlram lemcang nak zung lei nih a sunglawi tukmi rian nanka khinhmi cu keimah duh thimnak tein tuni thawk in ngol nak bia ka chim. Lemcang nak lei ah Director rian nan khinhmi he pehtlainak kan nei lo.
Ralhrang hna kuttang in sermi zei bantuk party he hmanh kan i pehtlai kho lai lo, mah caah ralhrang nih aana anlak in a thla li nak thawk in cun Lemcang nak lei he pehtlai in khawzeika hmanh ah ka kal ti lai lo tiah ralttha taktak in a timeline ah a tial.
Model Thin Thin nih kawlram lemcang nak lei ah Director rian an khinhmi Academy Khansitu dawnnak a tuang ning cu uar um kho taktak. Mi tampi nih Wai Lu Kyaw ruangah an rak soisel mi si ko hmanh sehlaw tuchunni i a thil tuahmi ruangah mipi nih upatpek tlawk dirhmun ah a cawisan diam.
