Tu chan cu kan theih dih cio bang in IT chan a si caah pitar, putar, nghakchia, nutung, patung tiang in Moble phone hman le ngeih dih cio a si. Chungkhar tampi ah buai nak chuahtertu tam bik cu Moble phone ah a si ti u sihlaw kan palh lem lai lo.
Nutung fa nei cia tampi cu an fale nak hmanh in Moble phone a duh deuh mi vawleicung ah an tam tuk cang. Nu pakhat cu nuam emem in an fanu le pahnih he tiva ah an kal i a fale nih lentecelhpi ding in an nu cu an sawm lengmang nain moble phone pakhat ruangah a fale lentecelhpi cu a huam lo i a tthawl hna.
A Moble phone in tiktok video ai chuah riangmang i heh tiah a tawtawk dawh taktak he cun a lam huar. Mah lio ahcun a fanu le pahnih cu tiva chung ah an lut i lente an i celh. Mah ti lente an i celh cuahmah lio ahcun pakhat deuh cu ti ah a tla sual.
Mah bak ahcun a unu te nihcun a nau nu ti ah a tla mi cu a zuam hnawh i ka chanh lai a ti nak ah an pahnih in ti ahcun an tla i an thi. Hnu deuh nawn ah khin an nu nihcun a fanu le a hmuh ti hna lo caah a auh lengmang hna i, hnu deuh pi ah khin tiva kap ah an ruak i an va hmuh hna.
A fanu le pahnih a sungh hna nak a ruang bik cu a moble phone pakhat rung ah a si. Nang mah le keimah zawng kan moble phone pakhat nak in kan fanu, fapa le hna kan duh deuh in kan daw deuh sual maw i ruat cio hna sih. A tang video hi zoh law, mah nihcun kan fale nak i moble phone duh deuh a tthat lo nak cu fiang tein na hmuh lai. Video Link
