Mizo film ah a linsa taktak mi le minung ting tam tuk nih an zoh mi ” Eng kan ti nge keini chhung hi” timi film ah changtu nghakchia pa Lalfakzuala Jongte kum 24 mi Bawngkawn South cu nizan may 15 ah khan Covid-19 pulrai ruangah a nunnak a liam.
Lalfakzuala Jongte hi Pneumonia nei mi asi caah Covid-19 pulrai in a zawt le cangka ZMC ah an luhpi colh ko nain sibawi te nih a nunnak an chanh khawh ti lo caah nizan may 15 ah khan a dawt tukmi a nule pa le a chungkhar unau kaltak in anunnak a liam ruangmang.
Lalfakzuala Jongte hi Mizo hlasak thiam ah a rak lar taktak mi Thanga Jongte fapa a si i, an film zaih mi zong ah khan Pu Thanga he pafa bantuk in a rak i zaihtti mi an si. Kum 2004 lio i an rak i zaih mi film ruang ah Mizo ram mipi long hmanh si lo in Laimi tiang nih kan theih khawh nak a si.
Relchap- Chinram ahcun Ralkap kan tei hrimhrim awk a si.. kan lung ai rual cu ahau. Chinram ah Lam le sur ,fingle tlang vialte kan theih dih ko caah kanmah le kan khua le kan Ram cio ah Meithal he ready cio ko cang hna usih.
Mindat ah akal dingmi ralkap vialte hi kan kah piak dih ding a si.. Pakhat le pakhat kan i bawmh ahcun Chinram ah ralkap kan tei lai a fiang cang. Mindat bantuk in ral tha ko uh, Ralkap thamtham cu an hriamnam lawng an i bochan, raltuk an thiam lo. Chin paraltha timi kha a taktak ah a langh caan lio a si.
