Miss Universe 2020 Final cu cacawn nikhat zingah an tuah lai. Covid-19 zawtnak ruangah Miss Universe thimnak cu nikum ah tuah khawh a si lo caah tukum ah Miss Universe thimnak cu voi 2 in tuah ding a si. Tukum ah tuah dingmi a hmasa deuh cu a tu hi kal pi lio a si i Final cu thaizing May 17 zingka MST. 6:30 ah tuah a si lai.
Final hi Seminole Hardrock Hotel and Casino Florida ah tuah ding a si. Vulei cung khua zakip in ngaknu dawhdawh pawl an i funkhom lai, Miss Universe 2020 sinah Zozibini Tunzi, Miss Universe 2019 nih Bawiluchin a hlaan te lai.
Tutan Vulei cung Muidawh thimnak ah hin ram dangdang in ngaknu 72 nih an i zuam. Zawtnak ruangah Miss Universe a zuamtu an tlawm cem caan a si. Final zan ah hin Luis Alfonso Rodriguez Lopez-Cepero cu a mui hmuh a si lai.
Mah Despasito singer nih hin Stage a a zoh te ding a si. Miss Universe a rak si bal cang mi Demi-Leigh Tebow le Zozibini Tunzi te cu backstage leiin host tu an si.
An mah pinah Mario Lopez le Olivia Culpo te nih thiam tak tak in show hi an host lai. Kawlram aiawh in Miss Universe a zuam lio mi Miss Universe Myanmar 2020 Thuzar Wint Lwin @ Candy zong Final ah hin kan hmuh lai.
Miss Universe Myanmar 2020 hi Chin ramkulh, Hakha aiawh Miss Universe Vulei cung huapin Final round tiang a pha kho mi a si. Kum 22 velchum hrawng lawng a si, cawnnak lei ah E.Major in final year a kai lio mi le Deploma in hospitality ah deploma a ngah mi a si. CTP
