Cal Bert John: (Isaiah 1:17) (Salm 82:3-4) (Salm 68:5) Mirum le Minthang poh a nuam ding le a hnangam dingah Kan ruah tawn hna. Lawmhnak hi mirum hna sin le Minthang hna sin ah a rak um hleilo. Nun a thiam i dawtnak le theihthiamnak a rak umnak tu ah lawmhnak le hnangamnak le daihnak hi a rak um ko.
Kumhnih thum a liam cia caan ah Miss World a rak cotu Aishwarya Rai nih a mah le a mah nunank lak a rak I tim Bel. A nun nak beidong celh tilo ah Kaa thah ah a tha lai tiah khua a ruat i, an chanh manh. Vuleipi muidawh bik nih nun Ka huam lo tiah I that a timh cu mi vialte an Lau dih.
A pasal le Chung le milar Chung an si fawn, an rum tuk fawn ko. A pasal nu le pa le an Chan lio ah Minthang le milar an si. A pasal zong cu le Actor lar tuk mi thiamthiam a si ko bu ah, a nun beidongh cu social media a a cual dih. Mirum hna sin le Minthang sinah lawmhnak le hnangamnak a um lo tihi cu nih cun a langhter ko.
Khoika ah dah lawmhnak le hnangamnak cu a um kun hnga, vuleipi tuanbia ah philh awk a tha lomi Mother Teresa hi sifak harsa In a nun Chung ngaktah zohkhenh tu a nei lo mi hna sinah a caan vialte a hman i, a nun Chung a hna a ngam i a lawm zungzal kho. A mah caah si loin sifak mihar caah kutdawh dirhmun tiang a phan nain a lawm kho ko.
Vulei ah hin hnangamnak le lawmhnak hi a kawl in Kan kawl a si ahcun Kan hmu hlei lai lo. Kan mitka le Kan hmaika ah zoh ding sifak le ngaktah an tawr ko. Cu hna sin ahcun PATHIAN a um i, cu Pathian ahcun lawmhnak tling le hngangamnak tling cu a um. Sifak ngaktah nan dawt hna hi keimah nan Ka dawt cu a si tiah a ti. Sifak le ngaktah hna sinah Ka um tiah a ti fawn.
Hnangam le lawmh na duh ah cun thiltha ruat, tuah I zuam mibawmh kha I thim zungzal. Sifak ngaktah zohkhenh tu nei lomi kha daw cikcek hna law, I lawm ti hau loin lawmhnak cu nangmah chungah a um lai i, I lawm ti hau loin na lawm ko lai. Mirum mi hna sin ah lawmhnak le hnangam nak um loin sifak ngaktah hna sin tuah a rak I thup I cucu mi tampi nih Kan rak hmu kho tawn lo.
