Tuni may 11 zinglei suimilam 11:00am hrawng ah South India Kerela ah ruahpi a sur cuahmah lio bak ah thingkung ah mei a rak alh thluahmah lio cu hmuh a si.
Mah video tawite cu online cung an post tlawmpal ah minung ting tamtuk nih an zoh manh. Rak zohve hmanh khuaruahhar taktak cu a si. Edit cawp hna si lo ahcun kan vawleicung caan dongh lai hmelchunhnak zong a si kho mi a si.
A tangah hin tuini South India Kelera ah ruahpi a sur cuahmah lio bak ah thingkung ah mei a rak alh thluahmah lio nak cu a video he ka rak thil chih rak zoh ve hmang khuaruahhar ngai a si.Video link
Relchap- Biatak Tein Thlacam Bomh An Herh, MAH Te Phu Nih KIA Pawl Raltuk Nak Vanlawng Bak In A Kah Tthan Hna
Kachinpyine, Misan myone chung ah tuni zinglei suimilam 7:30am hrawng ah khan KIA le kawl ralkap pawl biatak tein in an ni kap tthan i, chun suimilam 12:00pm hrawng lebang ahcun kawl ralkap nih ralruk nak vanlong bak in KIA ralkap pawl an umnak a si lai tiah an zumhnak hmun paoh bomb in an thlak hna.
Mansimyone chung kahdohnak a chuah nak kam hrawng hrang vialte hna zong KIA ralkap an um an zumhnak paoh cu kawl ralkap pawl nih raltuknak vanlong ttihnung taktak hmang bak in bomb an thlak thluahmah hna tiah khua mi pakhat nih The 74 Media sin ah a chim.
Kachin Indipendence Army hna caah biatak tein thlacam bawm hna sih, kan hnunglei Alaw Bum tlangcung sakhan an lak piak hna hnu bak in kawl ralkap lei nih an kah hna ning a zual chin lengmang. Raltuknak vanlong bak nih hriamtlai phu a ngan tuk mi zong si lo hna vun phomh ko cu KIA caah cun thinphang taktak a si.
Tuchunni tiang cu zumtu hna nih biatak tein thlacam kan bomh mi hna ruang ah an ni kahdohnak paoh ah KIA lei cu dirhmun ttha deuh peng ah an dir khawh nak a si. Pathian umpi nak tel lo cun zeiti hmanh in KIA nih cun kawl ralkap pawl tei khawh ding a si lo.
Tuni kahdohnak ah kap hnih tein thi le hliam an um le um lo fiang tein langhter mi a si lo. Hmanh sehlaw tuni kawl ralkap nih KIA pawl an kah hna ning cu tuksum taktak khi a si. Nai hrawng cu kan theih dih cio bang in nichiar dinlo bak in an ni kap peng caah KIA kan unau pawl zeitluk in dah an tha a hei dik cang lai.
